Навука і тэхналогіі11

«Забойца смартфонаў». Гігант штучнага інтэлекту абяцае рэвалюцыю

OpenAI, распрацоўшчык ChatGPT, абвясціў пра новы праект, мэтай якога з'яўляецца стварэнне гаджэта на базе штучнага інтэлекту і замена ім звыклых смартфонаў. 

Сэм Альтман (справа) адзначае, што Джоні Айв (злева) і яго каманда дапамогуць «цалкам пераасэнсаваць, што азначае карыстацца камп'ютарам». Фота: OpenAI

Кампанія OpenAI абвясціла аб набыцці стартапа IO, заснаванага Джоні Айвам — легендарным дызайнерам Apple і суаўтарам iPhone. На гэта звяртае ўвагу выданне Rzeczpospolita.pl.

Айв назваў праект «новым дызайнерскім рухам», падкрэсліваючы яго прынцыповае адрозненне ад усяго, што існавала раней. Аднак Сэм Альтман імкнецца трымаць дэталі ў строгай таямніцы, каб не даць канкурэнтам магчымасці скрасці ідэю. Вядома толькі, што каманда ўжо вядзе перамовы з пастаўшчыкамі, рыхтуючыся да маштабавання вытворчасці.

Стваральнікі падкрэсліваюць: гэта не чарговы смартфон, а прынцыпова іншы тып прылады, асновай якой стане штучны інтэлект. Джоні Айв будзе выступаць кансультантам у OpenAI, а галоўнай мэтай праекта застаецца стварэнне цалкам новага спосабу ўзаемадзеяння з лічбавымі тэхналогіямі. Кампанія абяцае, што новая прылада будзе выпушчана ўжо ў 2026 годзе.

Гэта ўжо не першая спроба «забіць» смартфон. У 2023 годзе стартап Humane, заснаваны былым інжынерам Apple Імранам Чаудхры, выпусціў AI Pin — невялікую прыладу без экрана, якую можна было насіць на вопратцы. Кіраванне адбывалася пры дапамозе голасу і жэстаў, а малюнак праектаваўся, напрыклад, на далонь. У праект інвеставаў Сэм Альтман.

AI Pin рэкламаваўся як замена смартфонам, але не апраўдаў чаканняў. Пры цане ў $700 прылада сутыкнулася з тэхнічнымі праблемамі і негатыўнымі водгукамі. Humane спыніла вытворчасць у хуткім часе пасля пачатку продажаў. Хоць праект «памёр», ён можа быць адроджаны: стартап Humane набыла кампанія Hewlett-Packard — галоўным чынам дзеля доступу да патэнтаў.

Тым не менш, OpenAI не здаецца. Купля стартапа IO за 6,4 мільярда долараў сведчыць пра сур'ёзнасць намераў. У выпадку поспеху гаджэт можа стаць пачаткам новай эры — без традыцыйных экранаў, з больш натуральным узаемадзеяннем паміж чалавекам і тэхналогіяй.

Apple, адзін з галоўных гульцоў на рынку мабільных тэхналогій, таксама не застаецца ўбаку. Кампанія актыўна распрацоўвае ўласную платформу Apple Intelligence, удасканальвае Siri, і, паводле неафіцыйнай інфармацыі, разглядае магчымасць стварэння асобнай прылады для працы з ШІ — аналагічнай той, над якой працуюць OpenAI і Джоні Айв.

Нядаўна адзін з топ-менеджараў Apple Эдзі К’ю дапусціў, што ўжо праз дзесяць гадоў iPhone можа стаць непатрэбны.

Відавочна, што тэхналагічная індустрыя зноў на мяжы пераменаў. Але што чакае новы гаджэт: трыумф ці правал? Час пакажа.

Каментары1

  • Неверагодна
    26.05.2025
    Рэвалюцыі не абяцаюць, тым пачэ іх не робяць тыя хто ўжо наверсе, канешне гэта хайп, можа самы дарагі хайп ў гісторыі.

Цяпер чытаюць

Беспілотнік, які ўпаў у Мінску, прыляцеў з боку Барысава — шматлікія сведчанні

Беспілотнік, які ўпаў у Мінску, прыляцеў з боку Барысава — шматлікія сведчанні

Усе навіны →
Усе навіны

СК апублікаваў відэазапіс падзення беспілотніка ў Мінску. На абломках паказалі ўкраінскія надпісы45

Арыштавалі экс-начальніка ДАІ Партызанскага раёна Мінска1

«Ніхто не мае права забараніць мне абняць дзіця». Мінчанка здзівілася строгім правілам у дзіцячым летніку5

АМАП затрымлівае мінчукоў на месцы падзення беспілотніка ў двары на Матусевіча26

Беларускі бізнэсмен, якога шукае Інтэрпал, адкрыў рэстаран у Варшаве. Цяпер з ім судзяцца былыя падначаленыя9

«Не спалі ўсю ноч». Што адбываецца ў двары ў Мінску, дзе збілі дрон8

Мядзведзеў прыгразіў ЗША вайной пасля таго, як Трамп скараціў тэрмін ультыматуму Пуціну7

Гомельскія міліцыянеры выпадкова дадалі «экстрэміста» ў свой унутраны чат — што ён там убачыў5

Чаму здараюцца трагедыі з былымі беларускімі ваярамі ў мірным жыцці? Пра самагубства добраахвотніка ў Гданьску і не толькі8

больш чытаных навін
больш лайканых навін

Беспілотнік, які ўпаў у Мінску, прыляцеў з боку Барысава — шматлікія сведчанні

Беспілотнік, які ўпаў у Мінску, прыляцеў з боку Барысава — шматлікія сведчанні

Галоўнае
Усе навіны →

Заўвага:

 

 

 

 

Закрыць Паведаміць