Мінск, Палац мастацтваў (Казлова, 3). 11.00. Уваход вольны.
Конкурс беларускага танца «Мяцеліца», які пройдзе ў Мінску ў гэтую суботу, абяцае быць відовішчным.
У ім бяруць удзел аж 78 канкурсантаў — 39 пар! Прычым толькі дзевяць пар — з Мінска,
адзначаюць арганізатары. Спаборніцтва пройдзе ў Палацы мастацтваў ад 11-й да 16.30.
Аўтар ідэі конкурса — Мікалай Козенка – знакаміты этнахарэограф, нястомны даследчык аўтэнтычнага беларускага танца, які ўжо шматразова выступаў у якасці ініцыятара, рэжысёра-пастаноўшчыка і балетмайстра шэрагу знакавых фальклорных фестываляў.
Адкрыццё і праграма конкурса будуць суправаджацца традыцыйнымі спевамі і музыкай выдатных інструменальных капэл: «На таку», «Дзвіна», таксама на конкурсе зайграе Васіль Семашкевіч – выдатны музыка з Любані. Між іншым,
у праграме — майстар-клас па танцы «Мяцеліца» для гледачоў і ўдзельнікаў конкурса.
Завітайце на «Мяцеліцу»
— у Мінску такое рэдка пабачыш.
Фоты з Масквы даюць пабачыць Пуціна і Лукашэнку без грыму11
Каментары