Аналітык: Расія рыхтуецца да доўгатэрміновай канфрантацыі з Захадам
Для Масквы «халодная вайна» ўжо пачалася, і расійкае кіраўніцтва лічыць, што яму няма чаго губляць, піша расійскі аналітык Васілій Кашын для амерыканскага інтэрнэт-выдання defensenews.com.
Масква зацікаўленая ў тым, каб замарозіць канфлікт у Данецкай і Луганскай абласцях Украіны, пераўтварыўшы іх ў непрызнаныя дзяржавы альбо ў вельмі шырокія аўтаноміі ў складзе Украіны. На думку Кашына, які з'яўляецца супрацоўнікам маскоўскага Цэнтра аналізу стратэгій і тэхналогій, гэта адпавядае галоўным мэтам палітыкі РФ ва Украіне.
Але ваенная дээскалацыя ва Украіне не адзначае зменаў у знешняй палітыцы РФ — Масква за кошт яе збірае палітычны капітал, каб прайсці праз эканамічны крызіс і правесці патрэбныя рэформы і скарачэнні бюджэта, піша аналітык.
Пры гэтым заходнія санкцыі з'яўляюцца толькі другасным фактарам у праблемах структурна хворай расійскай эканомікі, але дазваляюць расійкай прапагандзе скіроўваць незадаволенне насельніцтва супраць ЗША і ЕС.
У сувязі з гэтым РФ не зацікаўленая ў палітычных саступках Захаду і Украіне ў абмен на змягчэнне ці адмену санкцый. Адмена санкцый толькі нязначна палепшыць стан расійскай эканомікі, а вось дэманстрацыя слабасці будзе палітычным самагубствам, мяркуе Кашын.
Такім чынам, заключае ён, РФ ідзе да доўгага супрацьстаяння з Захадам, падчас якога будзе збліжацца з Кітаем, але паспрабуе ўнікнуць празмернай залежнасці ад паўднёва-ўсходняга суседа.
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце16
Каментары