У Горках 10‑гадовая дзяўчынка пашкодзіла спіну, скачучы на батуце
Інцыдэнт адбыўся ў дзіцячым гульнявым цэнтры. Пры падзенні з вышыні паўтара метра ў яму з паралонавымі кубікамі дзіця моцна прызямлілася ягадзіцамі на паралонавыя матрацы (таўшчыня 20 см), а пад імі — бетоннае пакрыццё.
Ілюстрацыйнае фота
Ад удару дзяўчынка адчула моцны боль у спіне. Дома боль працягваў турбаваць, і бацькі выклікалі хуткую дапамогу, паведамляе mogilenews.by
Пасля правядзення рэнтгенаграмы ў раённай бальніцы параілі звярнуцца ў Магілёўскую абласную дзіцячую бальніцу, куды яе шпіталізавалі са скаргамі на боль у грудным аддзеле хрыбетніка. Дзяўчынка знаходзілася на лячэнні больш за тры тыдні.
Каментары