Расія не будзе нарошчваць здабычу нафты, улічваючы падзенне сусветных цэн, заявіў віцэ-прэм'ер РФ Аркадзь Дварковіч.
«Пры цяперашніх цэнах на нафту цалкам натуральна зніжаецца аб'ём інвестыцый у цяжкадаступныя радовішчы, у асобныя новыя праекты, і гэта непазбежна пацягне за сабой, прынамсі, не павелічэнне. Можа быць, яна і не будзе падаць, хоць невялікае зніжэнне заўсёды магчыма, але павелічэнне наўрад ці будзе», — сказаў ён журналістам.
Пры гэтым Дварковіч не выключыў, што калі кошты на нафту доўга будуць трымацца на нізкім узроўні, «будзе некаторае зніжэнне здабычы, як гэта было раней». «Тым не менш, сур'ёзных спадаў я не бачу», - заявіў віцэ-прэм'ер.
Напярэдадні Арганізацыя краін-экспарцёраў нафты (АПЕК) апублікавала штомесячны бюлетэнь, у якім сцвярджаецца, што ў АПЕК не бачаць варыянтаў хуткага вырашэння праблем нафтавага рынку. У арганізацыі выказалі гатоўнасць праводзіць перамовы з краінамі, што здабываюць нафту і пры гэтым не ўваходзяць у АПЕК, для стабілізацыі сусветных цэнаў.
Па дадзеных агенцтва Блумберг, у жніўні АПЕК павялічыла здабычу яшчэ на 108 тыс. бараляў, да 32,3 млн бараляў у суткі.
У аўторак, 1 верасня, нафта маркі Brent патаннела на 2,6% - да 52,7 даляраў.
Цяпер чытаюць
Стрыжак: Я проста гаўно, я ляжу на дне самай бруднай канавы і адтуль спрабую нешта сказаць у сваю абарону55
Каментары