У сакавіку ў Бабруйску міністр унутраных спраў Ігар Шуневіч адзначыў, што любое абмежаванне з алкаголем ідзе толькі на карысць нармалізацыі крымінагеннай абстаноўкі. І пахваліўся: штодня яго падначаленыя затрымліваюць кантрафактнае спіртное, знішчаюць дзясяткі тон брагі для самагону.
Аднак пачаліся праблемы з напаўненнем бюджэту, прайшла «нарада ў кіраўніка дзяржавы» ў канцы жніўня — і вось ужо адмененая забарона на продаж алкаголю ў крамах уначы.
Відаць, і павышэння цэнзу ўжывання алкаголю з 21 года не адбудзецца. Хоць за гэта каторы год выступаюць Міністэрства аховы здароўя, МУС, Генпракуратура.
Грошы, грошы важнейшыя.
Дарэчы, некалькі гадоў таму папулізм загубіў яшчэ адно добрае пачынанне МУС. У Беларусі ў канцы 2003 года прынялі папраўку, згодна з якой блізкае святло фар на аўто стала абавязковым у любы час сутак з 1 лістапада па 31 сакавіка. Але Лукашэнка раскрытыкаваў даішнікаў за іх новаўвядзенне. «Едзеш і назіраеш: сонца гарыць, святло — лепш не прыдумаеш, а машына едзе з уключанымі фарамі».
Праз два дні новаўвядзенне адмянілі.
На мінулым тыдні скончылася такое комплекснае мерапрыемства «Увага — дзеці!»: трэ’ было з 25 жніўня па 5 верасня ездзіць з блізкім святлом фар увесь час. Дзеці пайшлі ў школу, і быць пільнымі трэба — святло фар звяртае ўвагу дзяцей, гэта даказана псіхолагамі. Цудоўна! Толькі дзеці ходзяць у школу 9 месяцаў, а не толькі падчас акцыі.
Паўмера, якая выяўляе бездапаможнасць цэлага міністэрства перад крытыкай аднаго чалавека. У Еўропе ездзіць са святлом абавязкова. Даішнікі адчуваюць сваю рацыю, але вось пераканаць Лукашэнку ў правільнасці адмененай адзінаццаць гадоў таму меры не могуць альбо не асмельваюцца.
Цяпер чытаюць
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат7
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1212
Каментары