У Брэсце ў аварыю трапі кіроўца аўтамашыны «Мэрсэдэс-Бенц», які знаходзіўся ў стане алкагольнага ап'янення.
Як паведаміла начальнік аддзялення па агітацыі і прапагандзе ДАІ УУС Брэсцкага аблвыканкама Наталля Сахарчук, 8 снежня каля 22.30 23-гадовы берасцеец, які кіраваў «Мерседэсам», на скрыжаванні вуліц Арлоўскай і Гаўрылава пры павароце направа не абраў бяспечную хуткасць руху, не справіўся з кіраваннем і выехаў на «астравок бяспекі», дзе ўрэзаўся ў святлафор і пашкодзіў элементы «астраўка».
Ад удару кіроўца разбіў галавой лабавое шкло. Пасля аказання медыцынскай дапамогі ён адмовіўся ад шпіталізацыі.
Выяўлена, што кіроўца і яго 25-гадовы пасажыр знаходзіліся ў стане ап'янення (2,12 і 2,14 праміле алкаголю ў крыві адпаведна). Па словах маладых людзей, яны ехалі ў магазін па спіртное, выпіўшы да гэтага бутэльку гарэлкі.
У дачыненні да кіроўцы складзены адміністрацыйныя пратаколы за кіраванне ў стане алкагольнага ап'янення.
«Мэрсэдэс» атрымаў сур'ёзныя механічныя пашкоджанні і быў дастаўлены з дапамогай эвакуатара на штрафстаянку.
Каментары