З 2010 года колькасць публічных бібліятэк у Беларусі скарацілася больш як на дзве тысячы
Улады павінны асцярожна і разумна падыходзіць да праблемы аптымізацыі бібліятэчных фондаў. Такое меркаванне выказаў намеснік старшыні савета Беларускага фонду культуры Тадэвуш Стружэцкі 7 лютага на прэс-канферэнцыі ў Мінску, прысвечанай 30-годдзю фонду.
З 2010 года ў Беларусі колькасць публічных бібліятэк скарацілася больш як на дзве тысячы (2.180), адзначыў ён. На думку Стружэцкага, такое вялікае скарачэнне становіцца «сур'ёзнай праблемай грамадства».
«Наша задача — абвастраць праблемы бібліятэчнай справы, бараніць і прыцягваць увагу дзяржаўных, мясцовых органаў, каб вельмі асцярожна і разумна падыходзілі да праблемы аптымізацыі, скарачэння, перамяшчэння і асабліва захавання бібліятэчных фондаў», — адзначыў Стружэцкі.
Паводле яго слоў, фонды, якія сёння знаходзяцца ў мясцовых раённых бібліятэках, ужо «не будуць узнаўляцца і, хутчэй за ўсё, не будуць пераведзеныя ў электронны варыянт». Таму, падкрэсліў ён, трэба захаваць кніжныя аўтэнтычныя матэрыялы, якія павінны будуць служыць яшчэ не аднаму пакаленню.
Згодна са звесткамі Нацыянальнага цэнтра прававой інфармацыі Беларусі, у краіне больш за сем тысяч бібліятэк, у тым ліку прыблізна тры тысячы публічных, якія робяць важкі ўнёсак у павышэнне прававой інфармаванасці і прававой культуры грамадзян. На іх базе функцыянуюць больш за 580 публічных цэнтраў прававой інфармацыі, якія даюць свабодны доступ грамадзянам да эталоннай прававой інфармацыі, садзейнічаюць правядзенню мерапрыемстваў па прававой асвеце грамадзян.
Цяпер чытаюць
Стрыжак: Я проста гаўно, я ляжу на дне самай бруднай канавы і адтуль спрабую нешта сказаць у сваю абарону55
Каментары