Галоўны архітэктар Мінска пра Трактарны пасёлак і Асмалоўку: «Ці каштоўнасць гэта — вялікае пытанне»
Зносіць дамы ў Трактарным пасёлку адміністрацыя Партызанскага раёна абяцала пачаць у лютым. Але да работ да гэтага часу не прыступілі. На прэс-канферэнцыі ў Мінгарвыканкаме інфармацыю пра даты пачатку зносу ніяк не пракаментавалі, але галоўны архітэктар Мінска выказаў Tut.by сваё стаўленне да пытання захавання і надання пасёлку статуса гісторыка-культурнай каштоўнасці.
— Мая асабістая пазіцыя па Асмалоўцы і Трактарным пасёлку (і яна падтрымліваецца значнай часткай прафесійнай архітэктурнай грамадскасці) у тым, што тэма досыць надуманая, — сказаў старшыня Камітэта архітэктуры і горадабудаўніцтва Мінгарвыканкама Павел Лучыновіч. — Мы гаворым аб захаванні не высокай забудовы, а барачных дамоў, якія раскіданыя па ўсім былым Савецкім саюзе. Так, гэта моцныя тыпавыя праекты, але ці з'яўляецца гэта каштоўнасцю — для мяне вялікае пытанне. Гэтую тэму абмяркоўвалі і на Радзе ў Мінкульце, і вырашылі пазней вярнуцца да гэтага пытання яшчэ раз.
Нагадаем, пытанне зносу квартала двухпавярховых дамоў, размешчанага ў межах вуліц Клумава, Шчарбакова і Чабатарова, некалькі гадоў абмяркоўвалася гарадскімі архітэктарамі, праект мянялі або адкладалі на час з-за адсутнасці фінансавання. У выніку рашэнне было прынятае і зносіць дамы пачнуць у бліжэйшы час. На месцы двухпавярховікаў павінны з'явіцца новыя жылыя дамы не вышэй за сем паверхаў. Гарадскія актывісты вырашылі прыцягнуць да гэтага пытання ўвагу праз бясплатныя экскурсіі па пасёлку, якія сабралі некалькі сотняў мінчукоў. А галоўны архітэктар УП «Мінскграда» Аляксандр Акенцьеў нядаўна выказаўся за захаванне «найлепшых дасягненняў савецкай горадабудаўнічай школы» ў пасёлку.
Цяпер чытаюць
Фоты з Масквы даюць пабачыць Пуціна і Лукашэнку без грыму7
Каментары