Прэзідэнт Расіі Уладзімір Пуцін прыбыў на архіпелаг Зямля Франца-Іосіфа, дзе азнаёміцца з вынікамі «генеральнай уборкі» рэгіёну, паведамляе ТАСС.
Таксама падчас свайго візіту Пуцін сустрэнецца з супрацоўнікамі палявой базы «Амега» нацыянальнага парку «Руская Арктыка», дзе яму распавядуць аб правядзенні ачысткі шасці пацярпелых выспаў архіпелага. У горадзе Архангельску 30 сакавіка Пуцін возьме ўдзел у рабоце IV Міжнароднага форуму «Арктыка — тэрыторыя дыялогу».
Прэс-сакратар Пуціна Дзмітрый Пяскоў 28 сакавіка паведамляў, што паездка можа не адбыцца з-за няўстойлівага надвор'я.
Правесці «генеральную ўборку» Пуцін даручыў у 2010 годзе пасля свайго наведвання рэгіёну. Прэзідэнт прылятаў на востраў Зямля Аляксандры (уваходзіць у склад архіпелага Зямля Франца-Іосіфа), калі займаў пасаду кіраўніка ўрада.
У рамках паездкі расійскі прэзідэнт быў у бухце Паўночная, дзе агледзеў звалку памерам у 100 га. Усяго на архіпелагу было выкінута да 250 тыс. бочак з 40-60 тыс. т нафтапрадуктаў, а таксама металалом, вугаль і тэхніка.
Цяпер чытаюць
Мастакоў Рымашэўскага і Шчамялёву пратрымалі амаль год у СІЗА, але далі такі тэрмін, каб у судзе адпусціць дадому3
Каментары