Затрыманых белсатаўцаў падазраюць у «незаконным вырабе і распаўсюдзе медыякантэнту»
21 мая ў Мінску затрымалі 6 тэхнічных работнікаў тэлеканала «Белсат». У гэты дзень сілавікі прыйшлі ў студыю «Белсата», дзе здымаюцца праграмы «Кожны з нас» і «Хай так».
Дзяржканал заявіў, што студыя была «нелегальнай» і «нахабству польскіх медыйшчыкаў вырашылі даць бой».
«Белсат» падазраюць у «незаконным вырабе і распаўсюдзе медыякантэнту» паводле арт. 23.5 КоАП. Пры ператрусе сілавікі знайшлі міліцэйскую форму, а таксама форму супрацоўнікаў МНС і ЖЭС — з гэтага на дзяржаўным тэлебачанні зрабілі выснову, што канал датычны да «маскараду з пераапранутымі сілавікамі».
«Кожны з нас» — ток-шоу, дзе гавораць пра актуальныя тэмы для Беларусі. Гасцямі выпускаў праграмы былі і праўладныя дзеячы, у прыватнасці, палітолаг Пятро Пятроўскі і ініцыятар «круглага стала» Юры Васкрасенскі, піша Радыё Свабода.
Каментары