Кіраўнік Севераданецка: 60% жылога фонду разбурана, да 90% будынкаў пашкоджаныя
Севераданецк, які стаў пасля захопу Луганска адміністрацыйным цэнтрам вобласці, знаходзіцца пад абстрэламі расійскіх войскаў ужо некалькі тыдняў, аднак у апошнія дні націск расійскіх войскаў узмацніўся.
Кіраўнік ваенна-гарадской грамадзянскай адміністрацыі Севераданецка Аляксандр Струк паведаміў, што ў гарадскі гатэль «Мір» пранікла расійская дыверсійна-разведвальная група, аднак горад працягвае аказваць супраціў.
«60% жылога фонду Севераданецка разбурана, 85-90% будынкаў горада пашкоджаны, і будуць мець патрэбу ў капітальным аднаўленні», — адзначыў Струк.
«Жыхары Севераданецка ўжо забыліся, калі ў горадзе хоць бы на паўгадзіны ўсталёўвалася цішыня. Расіяне б'юць па жылых кварталах бесперапынна», — паведаміў кіраўнік Луганскай АВА Сяргей Гайдай.
Людзі спрабуюць выехаць з Севераданецка і прылеглага да яго Лісічанска, але гэта цяжка зрабіць.
«Траса «Бахмут — Лісічанск» абстрэльваецца, УСУ робяць усё неабходнае для таго, каб траса стала бяспечнай, цяпер рух па трасе магчымы, але вельмі небяспечна», — паведаміў Струк.
За мінулы дзень з Лісічанска эвакуяваліся ўсяго 12 чалавек.
Паводле звестак кіраўніка Севераданецка, у горадзе налічваецца не менш за паўтары тысячы загінулых. Усяго там цяпер застаецца каля 12-13 тыс.чалавек.
Цяпер чытаюць
Наталля Пяткевіч стала віцэ-прэм'ерам, а Каранік узначаліў Акадэмію навук10
Каментары