Украіна заявіла, што расійскае судна з украінскім збожжам затрыманае Турцыяй
Турэцкія мытныя органы затрымалі расійскае грузавое судна з украінскім збожжам, паведаміў амбасадар Украіны ў Турцыі, піша Reuters.
Украіна раней прасіла Турцыю затрымаць сухагруз «Жыбек жалы» пад расійскім сцягам.
Рэпарцёры агенцтва Reuters бачылі ў нядзелю судна «Жыбек жалы», якое стаяла на якары прыкладна ў 1 км ад берага і за межамі порта Карасу, без відавочных прыкмет руху.
«У нас ёсць поўнае супрацоўніцтва. Судна ў цяперашні час стаіць ля ўваходу ў порт, яно затрыманае мытнымі органамі Турцыі», — заявіў амбасадар Васіль Боднар у эфіры ўкраінскага нацыянальнага тэлебачання.
Боднар сказаў, што лёс судна будзе вырашаны на пасяджэнні ў панядзелак, і што Украіна спадзяваецца на канфіскацыю збожжа.
Украіна абвінаваціла Расію ў крадзяжы збожжа з тэрыторый, захопленых расійскімі войскамі з пачатку ўварвання ў канцы лютага. Крэмль раней адмаўляў, што Расія скрала ўкраінскае збожжа.
Прадстаўнік Міністэрства замежных спраў Украіны, спасылаючыся на інфармацыю марской адміністрацыі Украіны, паведаміў агенцтву Reuters у пятніцу, што судна «Жыбек жолы» пагрузіла першы груз з прыкладна 4500 тон украінскага збожжа з Бярдзянску, акупаванага Расіяй порта на поўдні Украіны.
Каментароў рэгіянальнага кіравання порта Сакар'я і Міністэрства замежных спраў Турцыі пакуль не гучала.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
Каментары