Паводле ацэнкі Вялікабрытаніі, Расея на вайне страціла траціну войскаў — 50 тысяч чалавек загінулі альбо раненыя
Расея за час вайны ва Украіне страціла больш за 30% свайго наземнага наступальнага патэнцыялу, заявіў начальнік штаба абароны Вялікабрытаніі адмірал Тоні Радакін.
Ён сцвярджае, што за амаль пяць месяцаў 50 тысяч расейскіх жаўнераў альбо загінулі, альбо атрымалі раненні. Яшчэ каля 1700 расійскіх танкаў і амаль 4000 баявых браніраваных машын знішчаныя. Менавіта таму ўкраінская армія цалкам ўпэўненая, што выйграе вайну, заявіў камандуючы Узброенымі сіламі Вялікабрытаніі.
«Расея пачала гэтае ўварванне з намерам захапіць усю Украіну, у Расеі было імкненне захапіць гарады ў першыя 30 дзён, у Расеі было імкненне стварыць расколіны і аказаць ціск на NATO — гэтая Расея трывае няўдачу ва ўсіх сваіх амбіцыях. Яна з'яўляецца яшчэ больш аслабленай, чым была ў пачатку лютага», — сказаў брытанскі вайсковец.
Нагадаем, што «Медиазона» і «Бі-бі-сі» на аснове адкрытых звестак на 15 ліпеня пацвердзілі гібель 4760 расейскіх вайскоўцаў у Украіне.
Цяпер чытаюць
Стрыжак: Я проста гаўно, я ляжу на дне самай бруднай канавы і адтуль спрабую нешта сказаць у сваю абарону55
Каментары