У гэтым сезоне беларускі футбольны чэмпіянат не стаў лепшым, заявіў галоўны трэнер нацыянальнай зборнай Бернд Штанге на прэс‑канферэнцыі ў Мінску 8 кастрычніка.
Сваю пазіцыю Штанге абгрунтаваў «пагрозлівым» адрывам чэмпіёна БАТЭ ад найбліжэйшага пераследніка, мінскага «Дынама» (13 балаў за чатыры туры да фінішу), і іншых сапернікаў.
«Гэта цудоўнае дасягненне БАТЭ — нязменна станавіцца чэмпіёнам, але такі адрыў сведчыць пра слабасць канкурэнтаў», — мяркуе Штанге.
Пры гэтым, паводле яго слоў, у еўракубках барысаўчане гуляюць лепш, чым «супраць «Нафтана» або Салігорска», але і гэтага не хапае для станоўчага выніку.
«Нельга пераацэньваць беларускі чэмпіянат, пры ўсёй да яго павазе. У ім няма такіх гульняў, як БАТЭ — «Эвертан». Пакуль мы не вырашым праблему, на міжнароднай арэне нам будзе цяжка», — сказаў Штанге.
10 кастрычніка ў Брэсце зборная Беларусі згуляе матч адборачнага турніру да чэмпіянату свету cа зборнай Казахстана. Пачатак а 18-й.
14 кастрычніка матч са зборнай Англіі ў Лондане.
Фоты з Масквы даюць пабачыць Пуціна і Лукашэнку без грыму11
Каментары