Ежы няма, цвіль на сценах, не можа хадзіць. Беларускі акцёр, які некалі сыграў Дзяніса Караблёва, памірае ў галечы
Сяргей Крэтаў стаў папулярны яшчэ ў раннім дзяцінстве, калі зняўся ў савецкім дзіцячым кінахіце «Дзівосныя прыгоды Дзяніса Караблёва». А цяпер Сяргею Крэтаву 52 гады і ён вядзе вартае жалю існаванне ў невялікай двухпакаёвай кватэры ў цэнтры Мінска, піша «Народная Воля» па матэрыялах паведамленняў расійскіх СМІ.
Трапіць у яго немудрагелістае жытло можа любы ахвотны, бо дзверы амаль заўсёды адчыненыя. Рэч у тым, што Крэтаву няма чаго замыкацца, усе каштоўныя рэчы і маёмасць ён прапіў і ўжо не саромеецца таго жаху, які пануе ў яго ў кватэры.
Некалькі гадоў таму ў мужчыны памерла маці, а пасля жонка збегла да найлепшага сябра. Не стала і любімага сабакі Сяргея.
Крэтаў і раней меў праблемы з алкаголем, а калі наваліліся ўсе гэтыя праблемы, то ўвогуле сышоў у запой. Толькі дзякуючы сябрам, якія звярнуліся да Андрэя Малахава, акцёр выбраўся з дому і прыехаў у Маскву на шоу «Малахаў» канала «Расія 1».
Жыць былому акцёру няма на што, электрычнасць у кватэры адключылі, ёсць толькі газавая пліта, на якой колішні выканаўца ролі Дзяніса Караблёва зрэдку нешта сабе гатуе. Пастаянныя папойкі згубна адбіліся на здароўі: ён ледзь ходзіць і гаворыць.
Прыбірацца ў кватэры мужчына таксама не можа, таму яму зрэдку дапамагаюць суседзі. Аднак антысанітарыя прывяла да таго, што на сценах ужо ўтварылася цвіль, у каструлях гнілата, па ўсіх пакоях раскіданыя бутэлькі з-пад алкаголю.
«Ногі гадоў з пяць таму пачалі барахліць. Яны не баляць, але з цяжкасцю трымаюць мяне. Адзін раз спрабаваў падшыцца, пратрымаўся месяцаў з пяць. Цяпер спрабую выжыць. Мне ніхто не дапамагае», — кажа Крэтаў.
Ён як бы і хоча як мага хутчэй завязаць з алкаголем, але як гэта зрабіць, пакуль не разумее. Бо з-за сваёй уражлівасці зноў і зноў цягнецца да бутэлькі.
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе65
Каментары