Усяго патроху55

Адчуй сябе ў Правансе. Дзе ў Беларусі знайсці лавандавыя палі?

У сярэдзіне лета ў паўночным Правансе квітнее лаванда. Лавандавыя палі — візітная картка Францыі. Сюды прыязджаюць турысты, каб натхніцца прыгажосцю і неверагодным пахам раслін, едуць тысячы людзей, якія гатовыя плаціць сотні еўра проста за магчымасць зрабіць сэлфі або зладзіць фотасесію на фоне прыгожых кветак. Але сёння можна перанесціся ў Праванс і без «шэнгена» ў пашпарце. Лавандавыя палі цвітуць які ўжо год у самых розных кутках Беларусі, піша сайт «Слушна».

Фота: vecteezy.com

Спрадвеку лаванду вырошчвалі для нарыхтоўкі лекаў, збораў. Сёння фіялетавая кветка таксама актыўна выкарыстоўваецца чалавекам, але яна стала дадаткова несці дэкаратыўную мэту: у лавандавых палях усё часцей арганізоўваюць сямейныя, дзіцячыя фотаздымкі і love story. У нашай краіне таксама ёсць магчымасць убачыць гэты цуд на ўласныя вочы.

LavandaMia — гэта невялікая сямейная майстэрня, ферма за 30 кіламетраў ад Пінска і інтэрнэт-крама фларыстыкі з засушаных кветак і тавараў з лаванды. Ганна Мацвеева і Віталь Кавалевіч ужо некалькі гадоў вырошчваюць пышную, прыгожую, яркую лаванду. Сямейная пара стварае букеты, а падчас цвіцення рэдкай для Беларусі расліны з задавальненнем прымае гасцей, гатовых фатаграфавацца ў фіялетавым полі.

Фота: vecteezy.com

Свой Праванс ёсць пад Гомелем (Рудня Споніцкая, Веткаўскі раён, Гомельская вобласць). Велізарныя лавандавыя палі дазваляюць адначасова знаходзіцца тут адразу некалькім сем'ям. Для фотасесіі ўсё прадумана: можна ўзяць у арэнду лёгкія сукенкі, кошыкі, саламяныя капялюшыкі. Гаспадары просяць папярэдне патэлефанаваць і папярэдзіць аб прыездзе. А пасля фотасесіі тут можна набыць букет свежай лаванды — каштуе ён зусім танна.

Фота: vecteezy.com

Маладое і невялікае лавандавае поле знаходзіцца ўсяго за 80 кіламетраў ад Мінска і за 20 кіламетраў ад Маладзечна (вёска Дуравічы Вілейскага раёна). Парадаваць сябе і сваіх блізкіх букетам духмянай лаванды тут прапануюць цэлы год, а ў ліпені з радасцю складуць букет са свежазрэзанай лаванды. Падчас цвіцення расліны госці змогуць зрабіць фота ў лавандавым полі.

Віла «Лаванда Лепей» размясцілася на беразе возера ў Лепельскім раёне. Прыехаўшы сюды, вы сапраўды будзеце забяспечаныя прыгожымі відамі: з аднаго боку — ціхая вада, з другога — квітнеючая лаванда. Правесці фотасесію тут можна ў ліпені. Потым лаванду будуць збіраць на букеты і выкарыстоўваць у кулінарыі.

Фота: instagram.com/lavandalepey

Гродзенскі раён, аграгарадок Луцкаўляны. На гэтым лавандавым полі кожны зможа адчуць сябе мастаком, а цудоўны лавандавы водар будзе толькі садзейнічаць пошуку натхнення для творчасці як у кадры, так і за ім. Для гэтага ёсць спецыяльны рэквізіт — мальберт. Трэба ўзяць з сабой адпаведнае адзенне і настрой, тады здымкі сапраўды будуць радаваць шмат гадоў. Тут таксама можна набыць засушаныя кветкі, букецікі лаванды і гідралат.

Lubeckaya_lavanda — гэта лавандавае поле, якое ўвасобілі ў жыццё тры сястры. Кветкі растуць на тэрыторыі векавой сядзібы ў вёсцы Любкі Вілейскага раёна. Красаванне лаванды — добрая нагода наведаць месца, якое захавала дух традыцыйнай культуры. Таксама тут можна натхняцца народнай культурай Беларусі.

Каментары5

  • на правах рэкламы?)
    18.07.2023
    ну не так ужо і танна па нашай-то беднаце) проста сфатаграфавацца летась каштавала 20 р. зараз пэўна больш...

    дарэчы, тыдзень таму набыла ў Дукоры свечку з лавандай... сказалі, што нават, калі не запальваць, пахнуць будзе мінімум паўгады... пахне сапраўды вельмі-вельмі прыемна...
  • дочка Максима Дизайнера
    18.07.2023
    Satan, так это ж для девочек - дитям мароженое, бабе цветы. а вы-то, камрад, чо папёрлись туды? 
  • Цікток-воен
    18.07.2023
    Сапраўдныя праблемы неверагодных: дзе нарабіць фотак у інстаграм.

Рыбакоў: Беларусь і ЗША рыхтуюць новыя крокі10

Рыбакоў: Беларусь і ЗША рыхтуюць новыя крокі

Усе навіны →
Усе навіны

Трамп назваў Мядзведзева «былым прэзідэнтам-няўдачнікам» і параіў сачыць за словамі7

У Беларусі смяротнасць амаль удвая перавысіла нараджальнасць5

«Трэба раздзяліць адукацыю і беларусізацыю». Нечаканая прапанова гісторыка Цімоха Акудовіча29

Мінчук купіў на аўкцыёне кватэру з пенсіянеркай, якая два гады наадрэз адмаўляецца высяляцца11

Кветкі, мурал і тысячы прыхільнікаў. Як прайшло развітанне з Озі Осбарнам у яго родным Бірмінгеме

Бармена з Гродна пасадзілі за «распальванне варожасці». Справа ў каментарах у тэлеграме — хоць ён іх і выдаліў8

Мінчук папрасіў барысту абмяняць 250 рублёў — і пайшоў з прыбыткам. Фокус трапіў на відэа2

Беларускім іпэшнікам упершыню за апошнія гады думаюць палегчыць умовы працы. Што плануюць змяніць3

Лідар расійскага гурта «Рукі вверх!» адкрывае ў Магілёве бар, дзе ўсё будзе прадавацца за жукойны1

больш чытаных навін
больш лайканых навін

Рыбакоў: Беларусь і ЗША рыхтуюць новыя крокі10

Рыбакоў: Беларусь і ЗША рыхтуюць новыя крокі

Галоўнае
Усе навіны →

Заўвага:

 

 

 

 

Закрыць Паведаміць