Вайна33

Датчанін, каб застацца ў Расіі, падпісаў кантракт з Мінабароны. Яго адправілі на вайну

Грамадзянін Даніі хацеў «выратавацца ад еўрапейскіх каштоўнасцяў», а цяпер судзіцца з Мінабароны з Расіі, каб вярнуцца на радзіму.

Фота: Baza

Датчанін прыехаў у Расію летам 2023 года. Знаёмым ён распавядаў, што прыняў такое рашэнне, каб «выратавацца ад іх каштоўнасцяў».

Да кастрычніка ў 32-гадовага мужчыны заканчваўся тэрмін знаходжання ў Расіі. Ён звярнуўся ў паліцыю, каб падоўжыць дакумент, але сілавікі цягнулі з адказам, а тэрмін набліжаўся.

Тады хтосьці параіў Мадсу (імя змененае) падпісаць кантракт з Мінабароны — маўляў, гэта дазволіць застацца ў Расіі.

Датчанін быў не супраць. Ён сам хацеў стаць вайскоўцам, але пры гэтым на фронт ён не збіраўся, піша Baza.

Датчанін прыйшоў у вярбовачны цэнтр «Патрыёт» і падпісаў кантракт на незнаёмай яму рускай мове. А неўзабаве ён раптам адправіўся на вайну супраць Украіны.

Мадса адправілі ў падраздзяленне, якое займаецца беспілотнікамі і дронамі на тэрыторыі акупаванай Луганскай вобласці. Па словах адваката датчаніна Рамана Пятрова, служыць Мадсу не вельмі падабаецца — асабліва з-за суседзяў з Паўднёвай Азіі, з якімі яго адправілі ў адзін бліндаж. Яны часта плююць на падлогу, што ахайнаму датчаніну не падабаецца. Акрамя таго, Мадс скардзіцца, што яго прымушаюць піць гарэлку.

У студзені 2024 года Мадсу патэлефанавалі з паліцыі і паведамілі, што яму дазволілі падоўжыць тэрмін знаходжання ў Расіі, але было ўжо позна. Датчаніна некалькі разоў дапытвалі — спрабавалі даведацца, навошта ён паехаў на вайну. Мадс тлумачыў, што не збіраўся гэтага рабіць.

Увесну датчанін падаў пазоў да Мінабароны: ён папрасіў прызнаць кантракт несапраўдным, таму што тэкст быў на расейскай мове, якой Мадс не валодае. Адпаведна, ён падпісваўся на ўмовы, якія не разумеў.

У гарнізонным ваенным судзе датчанін прайграў, у апеляцыі яму таксама адмоўлена. Са слоў адваката, Мадс — адзіны датчанін у расійскай арміі. Цяпер ён вельмі спадзяецца, што яго гісторыю заўважаць у пасольстве Даніі, дапамогуць выйграць суд з Мінабароны і вернуць дадому.

Каментары3

  • Лапата
    30.07.2024
    «Мадс не вельмі падабаецца — асабліва з-за суседзяў з Паўднёвай Азіі, з якімі яго адправілі ў адзін бліндаж. Яны часта плююць на падлогу, што ахайнаму датчаніну не падабаецца. Акрамя таго, Мадс скардзіцца, што яго прымушаюць піць гарэлку.» -dатчанін, прывыкай, гэта і ёсць рузге мір і руzкія скрэпы - пляваць, бухаць, гвалтаваць і забіваць.
    • Не ўсе палі правільна запоўненыя
      30.07.2024
      Лапата, тут іншае напрошваецца, бо ў пераліку нязручнасьцяў няма ўласна вайны, толькі суседзі-азыяты. Я знаходжу, што хлопец мае пэўны разлад розуму. За гэта сьведчаць і тыя акалічнасьці, пры якіх ён увогуле апынуўся ў РФ. Супярэчнасьці ўспрыманьня ім жыцьця й выкліканыя рэакцыі не пакідаюць сумневаў.
  • А
    30.07.2024
    Жыццё без еўрапейскіх каштоўнасцяў - яно такое.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Як глабальная змена клімату адаб’ецца на Беларусі? Не зусім так, як мы ўяўляем

Як глабальная змена клімату адаб’ецца на Беларусі? Не зусім так, як мы ўяўляем

Усе навіны →
Усе навіны

Пуцін гатовы да пагаршэння адносін з Трампам і не будзе спыняць вайну10

«Кава стане раскошай». Беларусы шакаваныя цэнамі ў крамах16

«Апантанасці геапалітыкай, як у Расіі, у нас сёння няма». Гісторык паразважаў, ці перажывуць беларусы «русский мир»16

Рубіа патлумачыў заяву Трампа пра зброю для Украіны за кошт НАТА

«Горад працоўнай славы 1941—1945». У Баранавічах адкрылі манумент з дзіўнай назвай9

У Беларусі і Расіі распрацуюць штучны інтэлект з традыцыйнымі каштоўнасцямі4

Асудзілі за «садзеянне экстрэмізму» былога дырэктара школы

Вучоныя знайшлі агромністае радовішча золата, якое змяшчае 99,999% усяго золата планеты8

У Польшчы адбылося ДТЗ з аўтобусам, поўным беларусаў3

больш чытаных навін
больш лайканых навін

Як глабальная змена клімату адаб’ецца на Беларусі? Не зусім так, як мы ўяўляем

Як глабальная змена клімату адаб’ецца на Беларусі? Не зусім так, як мы ўяўляем

Галоўнае
Усе навіны →

Заўвага:

 

 

 

 

Закрыць Паведаміць