Украінскія дроны атакавалі адзіны ў Расіі завод оптавалакна для беспілотнікаў
У ноч на 5 красавіка ўкраінскія дроны масіравана атакавалі розныя рэгіёны Расіі. У Саранску пад удар трапіў адзіны ў краіне завод па вытворчасці оптавалакна для беспілотных лятальных апаратаў АТ «Аптывалаконныя сістэмы», паведамляе Baza.
Паводле інфармацыі выдання, у выніку ўдару на прадпрыемстве ўспыхнуў пажар. Мясцовыя жыхары сцвярджаюць, што ў небе над горадам бачылі ад шасці да васьмі дронаў.
Інфармацыю пра атаку пацвердзіў кіраўнік Мардовіі Арцём Здунаў, які паведаміў у сваім тэлеграм-канале, што аб'ектам удару стала «адно з прадпрыемстваў» рэгіёну. Паводле папярэдніх звестак, ахвяр няма.
Яшчэ адна атака адбылася ў горадзе Чапаеўск Самарскай вобласці. Як расказаў губернатар рэгіёну Вячаслаў Федарышчаў, у выніку трапляння дрона на адным з прамысловых аб'ектаў узнік пажар. Ён удакладніў, што пацярпелых няма, а на месцы працуюць экстранныя службы і спецыялісты МНС, якія займаюцца ліквідацыяй узгарання.
Хоць канкрэтная назва прадпрыемства ў афіцыйным паведамленні не пазначаная, у Чапаеўску размешчаны завод АТ «Прамсінтэз», які спецыялізуецца на вытворчасці выбуховых рэчываў. Гэты завод ужо падвяргаўся нападу раней — 22 сакавіка. Адлегласць ад Чапаеўска да мяжы з Украінай складае амаль 890 кіламетраў.
Акрамя прамысловых аб'ектаў, нападам падвергліся і элементы інфраструктуры. Па словах губернатара Белгарадскай вобласці Вячаслава Гладкова, у Новааскольскай акрузе былі пашкоджаныя лініі электраперадачы.
Мінабароны Расіі ў сваёй справаздачы заявіла, што на працягу мінулай ночы сродкамі СПА было «знішчана і перахоплена» 49 украінскіх БПЛА самалётнага тыпу над рознымі рэгіёнамі краіны: 16 дронаў — над Варонежскай вобласцю, 14 дронаў — над Белгарадскай вобласцю, 6 дронаў — над Курскай вобласцю, 6 дронаў — над Самарскай вобласцю, 3 дроны — над Рэспублікай Мардовія, па адным беспілотніку — над Бранскай, Ліпецкай, Арлоўскай і Пензенскай абласцямі.
Пад Андрэеўкай украінскія вайскоўцы знішчылі калону расійскай бранятэхнікі ВІДЭА
Мінабароны Расіі абвінаваціла УСУ ва ўдары па газавымяральнай станцыі «Суджа» з дапамогай HIMARS
Беспілотнікі атакавалі прамысловыя аб’екты ў Калужскай, Растоўскай і Варонежскай абласцях Расіі
ЗША спадзяюцца на дапамогу Украіны ў вытворчасці дронаў
Цяпер чытаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары