На Жукоўскага, які вызваліўся пасля 8 сутак арышту, складзены новы пратакол
З гомельскага ізалятара часавага ўтрымання 21 студзеня выйшаў мясцовы дэмакратычны актывіст Кастусь Жукоўскі, паведамляе БелаПАН.
Нагадаем, 13 студзеня яго асудзілі на восем сутак, нібыта, за дробнае хуліганства. Насамрэч, Жукоўскі рабіў відэаздымкі каля будынка гомельскага ўпраўлення КДБ і быў там затрыманы.
За кратамі ў гомельскім ізалятары часовага ўтрымання актывіст аб’явіў галадоўку. Такім чынам ён пратэставаў супраць рашэння суду, які лічыць палітычна матываваным.
19 студзеня, падчас адбывання пакарання, Жукоўскага даставілі ў Савецкі РАУС Гомелю, дзе паведамілі, што на актывіста складзены новы пратакол. Паводле якога, падчас выбарчай кампаніі разам з Яўгенам Якавенка Жукоўскі разлепваў улёткі ў забароненых для агітацыі месцах.
20 студзеня супрацоўнік КДБ канфіскаваў у актывіста відэакамеру, якая знаходзілася ў ізалятары падчас арышту. Падставай для канфіскацыі паслужыла расследаванне справы пра масавыя беспарадкі ў Мінску ў дзень выбараў.
Цяпер чытаюць
«У капцюрох ГПУ». Стагоддзе небяспечнай наіўнасці і дарэмных мараў беларускай эміграцыі3
Каментары