Жонка палітвязня Сяргея Каваленкі сустрэлася з кіраўніком турэмнага шпіталя на вуліцы Валадарскага ў Мінску, дзе знаходзіцца яе муж, палітвязень Сяргей Каваленка.
Напярэдадні ёй паведамілі, што да Сяргея маюць намер выклікаць рэаніматолага.
«Я размаўляла з начальнікам турэмнага шпіталя, і ён паведаміў, што Сяргей амаль нерухомы, што ў яго праблемы з ныркамі. Але падаецца, што ён не зусім быў падрыхтаваны да размовы са мной. Сказаў толькі, што яны будуць збіраць кансіліум, што гэтым займаецца начальнік медчасткі, з якой я ўчора размаўляла. А ён сам не ведае, калі гэта будзе, сказаў прыйсці заўтра і ўдакладніць. Яны нешта цягнуць і нешта круцяць — думаю, што яны самі нічога не вырашаюць і чакаюць загаду, пэўна. Зараз я адвязу скаргі ў Дэпартамент выканання пакаранняў і ў Генеральную пракуратуру адносна суда, усёй гэтай сітуацыі, што чалавеку не аказваюць належнай медычнай дапамогі».
Каментары