76 дзён беларускі палітуцякач Аляксандр Баранкоў правёў у турме ў Кіта ў чаканні рашэння аб экстрадыцыі.
Найвышэйшы суд Эквадора разглядае просьбу Беларусі аб экстрадыцыі Баранкова, якому, паводле яго адваката Фернанда Лара, у Беларусі можа пагражаць смяротнае пакаранне за здраду радзіме.Неназваная крыніца ў судзе паведаміла агенцтву AFP, што пастанова аб экстрадыцыі можа быць прынятая найбліжэйшымі днямі.
Калі суд задаволіць просьбу беларускіх уладаў, справа пойдзе на разгляд прэзідэнту Эквадора Рафаэлю Карэа.
Справа Баранкова ўжо прагучала ў сусветных медыях — пра яе паведамілі The Guardian, BBC, Sky News, The Washington Post, CNN, Miami Herald, інфармацыйныя агенцтвы AFP і Ansa.
Эквадорскі друк звяртае ўвагу на падвойныя стандарты эквадорскіх уладаў у справе надання палітычнага прытулку.
«Выпадак з Баранковым парадаксальным чынам вырашаецца ў той самы момант, калі ўрад Рафаэля Карэа дае дыпламатычны прытулак заснавальніку Wilileaks Джуліяну Асанжу, прыняўшы аргументы пра магчымую пагрозу смяротнага пакарання ў ЗША», піша газета Hoy.
Калумніст газеты El Comercio Марцін Паярэс ў сваім каментары пад загалоўкам «Раўнанне крывадушнасьці» саркастычна выказвае думкі прэзідэнта Рафаэля Карэа:
«Скажы, на каго ты нападаеш, і я скажу, ці я дам табе прытулак. Тваё жыццё ў небяспецы? Спачатку скажы чый ты вораг — маіх сяброў, ці маіх ворагаў?.. Калі ты дакучаеш маім сябрам, мы можам пазбавіць цябе нашай абароны і вярнуць цябе ў тваю краіну, дзе ты можаш быць пакараны смерцю. А калі ты, як Джуліян Асанж, робіш непрыемнасці маім ворагам, дык мы возьмем цябе пад нашу абарону. Ці хвалюе нас тваё жыцьцё? Ха!»
Баранкоў, 30-гадовы блогер і былы вайсковец, прыехаў у Кіта ў кастрычніку 2009 года пасьля таго, як «выказаў нязгоду з палітыкай прэзідэнта Аляксандра Лукашэнкі», як ён зазначыў у просьбе аб атрыманні палітычнага прытулку.Статус палітуцекача ён атрымаў 27 чэрвеня 2010 года. У тым самым беларускія ўлады ўжо звярталіся да Эквадора аб ягонай экстрадыцыі. Тады просьба была адхілена, бо Мінск не даў усёй неабходнай інфармацыі.
Сёлета 7 чэрвеня Баранкоў зноў быў затрыманы, калі Беларусь паўторна звярнулася да Эквадора з просьбай экстрадыцыі.
Паводле адваката, новыя абароты справа прыняла пасьля візыту ў Эквадор Аляксандра Лукашэнкі 27-28 чэрвеня.
Учора Мінск зноў затапіла. Чаму сталіца не гатовая да дажджоў?4
Каментары