Следчы СК абараніў дзевяцігадовую дзяўчынку ад педафіла, заспеўшы таго на месцы злачынства
12 лістапада каля 19-й вечара маёр юстыцыі старшы следчы Ваўкавыскага раённага аддзела Следчага камітэта Валяр’ян Мураўка, пачуўшы на пустцы крык. Ён туды, а там пабачыў мужчыну, які ляжаў на дзіцяці, што прасіла ратунку і плакала. Зламыснік кінуўся наўцёкі, але маёр яго наздагнаў і прымусіў здацца.Затрыманым аказаўся жыхар Ваўкавыска 1973 года нараджэння, судзімы ў 2006 годзе за злоснае хуліганства і рабаванне. Прычым расследаванне той крымінальнай справы праводзіў менавіта Мураўка.
Пасля затрымання падазраванага
Спалоханае дзіця ўцякло.На наступны дзень для яго ўстанаўлення Мураўка разам з супрацоўнікамі міліцыі абышлі школы горада, размешчаныя ў раёне месца здарэння. Пацярпелай аказалася дзевяцігадовая дзяўчынка, вучаніца чацвёртага класа.
Яна расказала, што вярталася дамоў са школы, калі на прыпынку да яе падсеў незнаёмы дзядзька, які стаў чапляцца, дэманстраваў свае палавыя органы,настойваў на ўчыненні непрыстойных дзеянняў.
Затым заціснуў рукой рот і сілай выцягнуў на пустку, дзе раздзеў і наваліўся зверху.
13 лістапада Ваўкавыскі раённы аддзел Следчага камітэта распачаў па гэтым факце справу па ч. 2 арт. 169 КК (распусныя дзеянні, учыненыя з прымяненнем насілля). Вырашаецца пытанне зняволення падазронага пад варту. У рамках крымінальнай справы следства правярае яго на дачыненне да аналагічных злачынстваў, учыненых у мінулыя гады.
Цяпер чытаюць
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка7
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў88
Каментары