Velcom і МТС просяць адмовіцца ад аўтадазвону ў навагоднюю ноч, не набіраць патрэбны нумар няспынна
Аператары мабільнай сувязі Velcom і МТС звярнуліся да абанентаў. Зварот апублікаваныя на сайтах кампаніі.
У звароце Velcom зазначаецца, што напярэдадні святаў спецыялісты кампаніі правялі адпаведныя тэхнічныя працы, у выніку якіх была пашырана ёмістасць сеткі і прапускная здольнасць
Рэкамендуем вам здзяйсняць аднаразовыя спробы выкліку абанента і адпраўкі SMS, устрымацца ад функцыі аўтадазвону, — гэта дазволіць пазбегнуць перагрузак сеткі ў навагоднюю ноч.
Некалькі парадаў па наладжванні сувязі ў навагоднюю ноч дала таксама сваім абанентам і кампанія МТС, якая таксама правяла падрыхтоўчую працу.
Нават калі званок устанаўліваецца даўжэй, — гаворыцца ў звароце МТС, — чым звычайна, працягвайце заставацца на лініі.Калі вы атрымліваеце адказ «Абанент заняты», значыць, хутчэй за ўсё, менавіта цяпер абанент абменьваецца віншаваннямі з кімсьці іншым. Адпраўце яму SMS з просьбай ператэлефанаваць.
У пэўныя моманты, калі здзейсніць званок не атрымоўваецца, лепш спыніць бесперапынна набіраць патрэбны нумар: гэта стварае лішнія нагрузкі на сетку, а таксама памяншае шанцы тых, хто спяшаецца павіншаваць вас.
МТС нагадвае, што пік тэлефанаванняў прыходзіцца ў навагоднюю ноч на перыяд з 23:00 да 01:00, калі нагрузка вырастае ў 3–4 разы.
Галыгіна прымусілі апраўдвацца за зварот да сілавікоў у 2020-м17
Каментары