Міністр па правах жанчын Францыі Наджат Вало-Белькасэм абвясціла пра адмену дзесяцігадовага закона па барацьбе з прастытуцыяй і заявіла, што новыя меры зробяць жыццё і працу прастытутак больш бяспечным і лёгкім.
Прафсаюз прадстаўніц старажытнай прафесіі, які арганізаваў у мінулыя выхадныя ў Парыжы дэманстрацыю пратэсту супраць бясчынстваў паліцыі, лічыць адмену закона сваёй перамогай.
Закон быў прыняты правацэнтрысцкім урадам у 2003 годзе і, кажучы простай мовай, фактычна забараняў прастытуткам займацца сваёй прафесіяй.Паліцыя атрымала права затрымліваць жанчын лёгкіх паводзінаў, якія стаяць на скрыжаваннях ў чаканні кліентаў. Прадстаўніцам старажытнай прафесіі прыйшлося змяніць яркую вопратку на звычайныя джынсы і курткі, каб прыцягваць да сябе менш увагі. З гэтай жа мэтай яны былі вымушаныя ачысціць цэнтр гарадоў і перабрацца на ўскраіны. Пакінутым ж у цэнтры прыйшлося пастаянна хадзіць, каб іх не маглі прыцягнуць да адказнасці за прастытуцыю.
Па словах Вало-Белькасэм, закон вырашылі адмяніць, бо ён ператвараў жанчын лёгкіх паводзінаў у злачынцаў. У гэтым рашэнні нямала і праціўнікаў.Ва ўрадзе Жана-Марка Эро могуць прыняць закон, які забараняе карыстацца паслугамі прастытутак. Калі гэта адбудзецца, то будуць дзейнічаць два практычна узаемавыключальныя адзін адно законы: адзін дазваляе заняткі прастытуцыяй, а другі карае тых, хто карыстаецца паслугамі жрыц кахання.
Цяпер чытаюць
Памерла 45-гадовая экс-палітзняволеная Тамара Каравай. Летась яе вызвалілі па памілаванні5
Каментары