Чатыры дні правёў у лесе пажылы жыхар Нароўлі. 24 верасня блізу вёскі Будкі Нараўлянскага раёна ён пайшоў у лес у грыбыі. Аднак вечарам дамоў не вярнуўся.
У пошуках грыбніка былі задзейнічаны супрацоўнікі міліцыі і работнікі лясгаса, іншых арганізацый, аднак знайсці яго ні ў першы дзень, ні ў другі не ўдалося.
Толькі на чацвёрты дзень пажылы чалавек выйшаў з лесу самастойна блізу вёскі Роза Люксембург Ельскага раёна.
28 верасня ў лесе заблудзіла жанчына, якая пайшла за грыбамі з вёскі Лінаў Нараўлянскага раёна. На шчасце, яна выйшла з лесу без шматсутачных блуканняў у раёне былой воінскай часці ў вёсцы Княжабор'е Ельскага раёна.
Каментары