У Белаазёрску п’яны парэзаў нажом 13-гадовага падлетка
У Белаазёрску па падазрэнні ва ўчыненні асабліва злоснага хуліганства затрыманы 39-гадовы мясцовы жыхар, які нідзе не працуе.
Як паведаміў БелаПАН следчы па асабліва важных справах другога следчага аддзялення Бярозаўскага раённага аддзела Следчага камітэта Сяргей Лісюк, вечарам 30 верасня мужчына ў двары шматкватэрнага жылога дома, дзе ён жыве, спачатку пашкодзіў два аўтамабілі.
Затым убачыў яшчэ адзін аўтамабіль, які прыехаў у двор, і беспрычынна ўдарыў нажом 13-гадовага хлопчыка, які з яго выйшаў. Дзіця прыехала з маці. У выніку школьніку была прычынена колата-рэзаная рана правага сцягна.
Пацярпелага даставілі ў бальніцу і аказалі медыцынскую дапамогу без шпіталізацыі. Хуліган затрыманы. Пры медыцынскім аглядзе ў яго выяўлена 1,9 праміле алкаголю.
1 кастрычніка Бярозаўскім РАСК у дачыненні да гэтага грамадзяніна распачата справа па ч. 3 арт. 339 Крымінальнага кодэкса. Падазроны змешчаны ў ізалятар часовага ўтрымання.
Галыгіна прымусілі апраўдвацца за зварот да сілавікоў у 2020-м17
Каментары