За ўваходжанне Крыма ў склад Расійскай Федэрацыі прагаласавала 123 % севастопальцаў.
Гэта вынікае з супастаўлення дадзеных яўкі і статыстычных дадзеных за 2013 год, на якія звярнуў увагу блогер teh-nomad у ЖЖ.
Так, старшыня камісіі Вярхоўнага Савета Крыма па арганізацыі і правядзенні рэферэндуму Міхаіл Малышаў заявіў, што па стане на 8 вечара 16 сакавіка яўка выбаршчыкаў у Крыме склала 81,36%.
«На 20-ю гадзіну ў Крыме прагаласавалі 1 250 426 чалавек. Гэта вынік без уліку Севастопаля. З улікам Севастопаля прагаласавалі 1 724 563 чалавек», - заявіў Малышаў.
Гэта значыць, калі верыць крымскай «уладзе», 474 137 чалавек з Севастопаля прагаласавалі на «рэферэндуме».
Аднак па стане на 1 лістапада 2013 года, паводле звестак Упраўлення статыстыкі Украіны ў Севастопалі, усё пастаяннае насельніцтва горада — 383 499 чалавек, а прысутнічае на той момант — 385 462 чалавекі.
«На канец мінулага года насельніцтва Севастопаля склала 385 462 чалавекі. Гэта з улікам дзяцей, якія не мелі права галасаваць. 474 137 - 385 462 = 88 675 чалавек выпадкова з'явіліся ў Севастопалі падчас рэферэндуму. 474 137/385 462 * 100 = 123% севастопальцаў прагаласавалі за ўваходжанне ў склад Расіі… То бок прыйшлі ўсе — і дзеці, і школьнікі, і падазраю, што мёртвыя», - адзначае teh-nomad.
Цалкам верагодна, такую ж «пагрэшнасць» можна распаўсюдзіць на ўвесь Крым, адзначае «Українська правда».
Каментары