Партыя рэгіёнаў падтрымае кандыдатуру былога кіраўніка Харкаўскай абласной дзяржаўнай адміністрацыі Міхаіла Добкіна на выбарах прэзідэнта Украіны. Яго вылучэнне падтрымалі прадстаўнікі 21 абласной партарганізацыі, акрамя дзвюх: Запарожскай і Кіраваградскай.
Раней у якасці кандыдата на пасаду кіраўніка дзяржавы ў Цэнтрвыбаркаме Украіны зарэгістраваўся «рэгіянал» Сяргей Цігіпка. Адзначаецца, што ён таксама прысутнічаў на пасяджэнні, дзе партыйцы прагаласавалі за вылучэнне Добкіна.
Міхаіл Добкін праславіўся сем гадоў таму, калі ў інтэрнэце з'явіўся ролік з запісам яго звароту да выбарцаў. Быў актыўным праціўнікам Еўрамайдану, пасля уцёкаў Януковіча таксама пакінуў Украіну, але вярнуўся.
Каментары