Крамлёўскі прапагандыст Салаўёў адпачывае ў ЗША, а Гаварухін — у Ізраілі ФОТАФАКТЫ
Прадстаўнікі расійскіх медыя, прапагандысты Крамля, якія падтрымліваюць агрэсію РФ і Пуціна, адпачываюць на Захадзе. Пра гэта сведчаць запісы гэтых дзеячаў у сацсетках.
Так тэлевядучы і крамлёўскі прапагандыст Уладзімір Салаўёў атрымлівае асалоду ад жыцця на ўзбярэжжы ЗША. «Салаўёў цэлы год кляйміў ЗША, а сам паехаў туды адпачываць», — піша адзін з карыстальнікаў Твітара.
«А што вы самі ў патэнцыйнага ваеннага праціўніка робіце?», — задае пытанне вядучаму карыстальнік «Манежка». — «А ты, што за вырадак, каб пытанне задаваць?», — «культурна» адказвае Салаўёў.
Яшчэ адзін прыхільнік Пуціна і «рускага свету» рэжысёр Станіслаў Гаварухін адпачывае ў Тэль-Авіве. Пра гэта паведаміў Аляксандр Буйноў.
Ашот Габрэлянаў — расійскі медыяменеджар, генеральны дырэктар тэлеканала LifeNews да верасня 2014 года, бавіць вольны час не ў Крыме, а ў Парыжы.
Цяпер чытаюць
Змрочныя прагнозы спраўджваюцца. Чаму Захад абірае стратэгію «Не злаваць дзеда» і чаго чакаць далей34
Каментары