Цярэшчанку выбылі — з ягоных 130 тысяч подпісаў толькі 6 699 сапраўдных
Цэнтрвыбаркам Беларусі размясціў папярэднія звесткі аб вызначэнні тэрытарыяльнымі камісіямі колькасці выбаршчыкаў, якія паставілі подпісы ў падтрымку вылучэння патэнцыйных кандыдатаў на пасаду прэзідэнта, паведамляе БелТА.
Так, колькасць сапраўдных подпісаў у падтрымку кіраўніка дзяржавы Аляксандра Лукашэнкі склала 1 753 380.
Па выніках праверак лік дакладных подпісаў у падтрымку патэнцыйнага кандыдата Сяргея Гайдукевіча нібыта склаў 139 877, Віктара Цярэшчанкі — 6 699, Мікалая Улаховіча — 149 819. Таццяна Караткевіч сабрала 105 278 дакладных подпісаў.
З 22 жніўня па 5 верасня ідзе падача ў Цэнтральную камісію дакументаў для рэгістрацыі.
Варта адзначыць, што пікетаў па зборы подпісаў за Гайдукевіча ніхто не бачыў, а за Улаховіча бачылі адзін на ўсю краіну. Пікетаў па зборы за Караткевіч было некалькі дзясяткаў. Прыкладна столькі ж было пікетаў за Цярэшчанку.
Каментары