З веласіпедыста, які напаў з бітай на пешахода, патрабуюць 25 тысяч даляраў маральнай кампенсацыі
Бацька непаўнагадовага фатографа, пацярпелага ад веласіпедыста з бітай, заявіў 50 тысяч рублёў (крыху больш за 25 тысяч даляраў) маральнай шкоды. Памер матэрыяльнай кампенсацыі яшчэ не агучаны.
Нагадаем, у судзе Фрунзенскага раёна Мінска разглядаюць крымінальную справу ў дачыненні да веласіпедыста Анатоля Грынкевіча, які ўдарыў 19 чэрвеня бітай пешахода па галаве. Яго абвінавачваюць па ч. 3 арт. 339 КК (асабліва злоснае хуліганства). Максімальнае пакаранне па дадзеным артыкуле — да 10 гадоў пазбаўлення волі.
Сёння дапыталі абвінавачанага, пацярпелага і яго бацьку. Таксама ў судзе выступілі сьведкі.
Бацька непаўнагадовага пацярпелага заявіў маральную шкоду ў 50 тысяч рублёў (крыху больш за 25 тысяч даляраў). Памер матэрыяльнай кампенсацыі яшчэ не агучаны.
— Можа, сума шакуе, але жонка да гэтага часу хвалюецца. У Васіля і цяпер галавакружэнне, звон у вушах, — растлумачыў Аляксандр Дземідовіч, бацька пацярпелага фатографа.
У судзе высветлілася, што маці абвінавачанага пасля таго, што адбылося прапаноўвала сям'і пацярпелага ў пераводзе каля 300 даляраў. Ад гэтых грошай яны адмовіліся. Да пасяджэння 7 верасня гаворка ішла ўжо пра 1000 долараў. І зноў - адмова.
— Усё толькі праз суд, — як адрэзаў бацька пацярпелага, патлумачыўшы, што лічыць гэтую суму недастатковай.
Анатоль Грынкевіч адзначае, што маральную шкоду Васілю Дземідовічу нанёс, але суму заяўленай маральнай кампенсацыі лічыць завышанай.
— У галаву я не цэліў, гэта адбылося выпадкова. Хлопца спрабаваў аб'ехаць, але зрабіць гэта па зялёнай зоне не мог, таму што аднойчы так ужо рабіў і ўпаў. Я разлічваў на адэкватную ацэнку сітуацыі з боку пацярпелага і што мы проста разыйдземся, — сказаў абвінавачаны.
Цяпер чытаюць
Арыштаваны вядомы неўролаг Руслан Бадамшын. Ён быў на хатняй хіміі12
Каментары