У Віцебску інваліда трэцяй групы аштрафавалі амаль на тысячу рублёў за палітыку
Віцебскую актывістку і блогера Алену Янушкоўскую аштрафавалі на 945 рублёў за тое, што яна стаяла на балконе з бел-чырвона-белым сцягам і вітала ім калону мірных дэманстрантаў. Пра гэта Tut.by паведаміла дачка жанчыны, Юлія Уласенка.
Па словах Юліі, міліцыя прыехала дадому да яе маці 31 жніўня. Жанчыну абвінавацілі ў несанкцыянаваным пікетаванні і прад'явілі фота, на якім тая стаіць на балконе з бел-чырвона-белым сцягам. У мінулую нядзелю, 30 жніўня, Алена Янушкоўская такім чынам вітала калону мірных дэманстрантаў, якія ішлі па праспекце.
1 верасня суд аштрафаваў Алену на 35 базавых велічынь (945 рублёў) — за ўдзел у несанкцыянаваным пікетаванні.
Ноч з 31 жніўня на 1 верасня Янушкоўская правяла ў ІЧУ. Пасля суда яе зноў адвезлі ў ізалятар часовага ўтрымання — па нейкай новай справе, яе суд разгледзіць 2 верасня. У чым яшчэ яе абвінавачваюць, пакуль што невядома.
Алена Янушкоўская мае інваліднасць трэцяй групы.
Цяпер чытаюць
Стала вядома, што за 200 тысяч еўра прапаноўвалі Сяргею Ціханоўскаму «беларускія бізнэсмены»12
Каментары