Пераможцам стаў французскі пісьменнік Давід Дыоп з раманам «Роднасная душа».
Пра гэта ў сераду абвясціла на ўрачыстай цырымоніі ў Кафедральным саборы Ковентры старшыня журы прэміі, брытанская пісьменніца Люсі Хаджэс-Холет, піша ТАСС.
Па-французску кніга называецца «Frère d'âme», па-англійску At All Night Blood is Black, фактычна «Уначы любая кроў чорная»).
У кнізе, якая была перакладзеная з французскай на англійскую пісьменніцай Ганнай Маскавакіс, Давід Дыоп распавядае пра часы Першай сусветнай вайны і каланіяльнага панавання. Аповед сканцэнтраваны на сенегальскім салдаце, які, як і многія выхадцы з былых афрыканскіх калоній Францыі, змагаецца ў шэрагах французаў.
Сам Дыоп нарадзіўся ў Парыжы, але большую частку свайго дзяцінства правёў у Сенегале, пасля вярнуўся ў Францыю вучыцца. Для 55-гадовага аўтара раман «Роднасная душа» стаў другім у кар'еры. У 2018 годзе, у год выхаду рамана ён быў удастоены французскай Ганкураўскай прэміі ліцэістаў, версіі традыцыйнай Ганкураўскай прэміі, галасаванне ў якой праводзяць каля дзвюх тысяч старшакласнікаў.
***
У адрозненне ад Букераўскай прэміі, якая была заснаваная ў 1969 годзе і штогод прысуджаецца пісьменнікам краін былой Брытанскай Садружнасці, Міжнародная Букераўская прэмія была заснавана ў 2004 годзе і аж да 2016 года ўручалася раз на два гады. Цяпер яе прысуджаюць за дасягненні ў галіне літаратуры штогод.
Пераможцам можа быць аўтар любой кнігі, якая была перакладзена на англійскую і апублікаваная ў Злучаным Каралеўстве або Ірландыі. Грашовы прыз прэміі складае £50 тыс. фунтаў ($70,8 тыс.) і будзе падзелены паміж пісьменнікам-пераможцам і перакладчыкам.
-
Твор Святланы Алексіевіч стаў крыніцай натхнення для амерыканскага фэнтэзі-бэстсэлера
-
«Беларусы нагадваюць чалавека з трывожным разладам». Паэт Віталь Рыжкоў пра званне сэкс-сімвала паэзіі, батл з Найдзёнавым, Каржа і Ціханоўскую
-
Вольга Касцюк нарадзілася ў Радчыцку Столінскага раёна, а жыве ў Новай Зеландыі. Яе кніга напісаная на гаворцы, на якой яшчэ ніхто не пісаў
Каментары