Пенсіянера Васіля Дземідовіча будуць судзіць па пятай крыміналцы, не скончыўшы яшчэ суд і па чацвёртай
5 траўня над 71-гадовым Дземідовічам распачнецца ўжо пяты суд — яго абвінавачваюць па арт. 369 КК. Працэс адбудзецца ў Пухавічах, суддзя — Вольга Бабук, паведамляе «Вясна». Між тым акурат цяпер ідзе чацвёрты суд, які яшчэ не скончыўся.
Справу пенсіянера Васіля Дземідовіча паводле арт. 369 КК (абраза прадстаўніка ўлады) і арт. 391 КК (абраза суддзі) пачалі разглядаць у Савецкім судзе Гомеля 20 красавіка. Працяг суда адбудзецца 2 траўня, а пасля чацвёрты працэс перацячэ ў пяты.
Раней Дземідовіча асудзілі да шасці гадоў пазбаўлення волі, абвінаваціўшы яго ў абразах прадстаўніка ўлады, суддзі, Лукашэнкі і арганізацыі масавых беспарадкаў. Пазней яму дадалі яшчэ паўгода зняволення па новай справе. 23 сакавіка ў судзе Драгічынскага раёна над ім адбыўся і трэці суд, але вынік ягоны дагэтуль невядомы.
У канцы чэрвеня мінулага года КДБ унёс Васіля Дземідовіча ў свой «тэрарыстычны спіс», ён самы пажылы фігурант гэтага спіса.
Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе6
Каментары