Знайшлі гаспадара «дыванамабіля», які днямі бачылі ў Мінску. Што за ён?
Нядаўна ў Мінску заўважылі аўтамабіль Ford з аздабленнем з дываноў. Незвычайная машына прыпаркавалася ў пятніцу ля ўвахода ў сталічны гандлёвы цэнтр Dana Mall. А цяпер выданне «Анлайнер» знайшло яе ўладальніка ды пагаварыла з ім.
Аказалася, што дыванамі абклеены не толькі кузаў гэтага аўтамабіля, дыван выкарыстаны і для аздаблення ўнутры салона: як мінімум тарпеда пакрытая менавіта гэтым матэрыялам.
Уладальнікам Ford Escort (дарэчы, дызельнага) аказаўся Дзмітрый з Мар'інай Горкі. Хлопец — блогер, раней ён здымаў і іншыя відэа пра машыны: падпальваў іх, падрываў петардай, перакульваў і скідаў з крана. А Ford вырашыў «пракачаць»:
«Ён атрымаў мянушку Дыван-самалёт. Два даўно не новыя дываны з аднолькавым малюнкам для яго мы купілі па аб'явах, уклаліся ў 100 рублёў. Спачатку думалі замацаваць на самарэзы, але потым перадумалі і вырашылі выкарыстаць клей. Пайшоў клей-пена. З падрыхтоўкай паверхні не заганяліся — дыван лёг проста на ЛКП. З мінусаў такога рашэння — хіба што махра ад нітак, што тырчаць і лунаюць на ветры, і тое, што малюнак на пярэдняй панэлі адлюстроўваецца ў лабавым шкле.
З інспектарамі яшчэ не сустракаліся, але самае папулярнае пытанне наконт гэтай машыны: як рэагуе ДАІ на такую афарбоўку?»
У Мінску Дзмітрый апынуўся не выпадкова: здымаў кароткія відэа для сацсетак, у тым ліку ролікі з рэакцыяй выпадковых мінакоў.
Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе6
Каментары
таму што інспектар яго бацька?
я пра вильно пони маю ?
мне ж ту тут тоже интересного товарища подослали
не одного
думали - я не замечу