Старшыня Камітэта абароны расійскай Дзярждумы Андрэй Картаполаў заявіў, што намеснік камандуючага аб'яднанай групоўкай расійскіх войскаў ва Украіне Сяргей Суравікін цяпер адпачывае. Аднак не ўдакладніўшы, дзе канкрэтна.
«Ён [Суравікін] адпачывае цяпер пакуль. Недаступны», — сказаў Картаполаў.
Пры гэтым кіраўнік камітэта заявіў, што сам не кантактуе з генералам, які знік з публічнай прасторы. Ён таксама не ўдакладніў, дзе канкрэтна можа адпачываць Суравікін, як піша «Медуза».
У панядзелак Міністэрства абароны Расіі паказала відэа, на якім быў паказаны начальнік Генштаба Узброеных сіл Расіі Валерый Герасімаў, які ўпершыню пасля бунту групы «Вагнер» з'явіўся ў эфіры. Ён заслухаў даклад начальніка штаба Паветрана-касмічных сіл Расіі Віктара Афзалава, а не самога Суравікіна.
Знікненне Суравікіна парадзіла мноства чутак наконт яго лёсу.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары