У Аўстраліі трохгадовы хлопчык апынуўся ў аўтамаце з цацкамі і не змог вылезці
У аўстралійскім штаце Квінсленд праваахоўнікі выратавалі трохгадовага Ітана, які залез у аўтамат з цацкамі Hello Kitty і захрас у ім.
Інцыдэнт адбыўся ўвечары 31 студзеня ў гандлёвым цэнтры, піша The Guardian. Хлопец палез у аўтамат за плюшавай цацкай.
На відэа, якое апублікавалі праваахоўнікі, дзіця сядзіць сярод цацак і праз шкло спрабуе прыслухацца да ўказанняў дарослых, якія падказаць яму шлях да выхаду.
Пазней стала зразумела, што іх старанні з'яўляюцца безвыніковымі, праваахоўнікі вырашылі адцягнуць увагу хлопчыка, каб разбіць шкло ў аўтамаце.
Калі дзіця апынулася як мага далей ад шкла, паліцыянты яго разбілі — Ітан не зразумеў, што здарылася, аднак з радасцю пакінуў гульнявую пастку.
«Цяпер ты дакладна выйграў прыз, якую цацку выбераш?», — сказаў Ітану адзін з праваахоўнікаў, які яго вызваляў.
Па словах бацькі дзіцяці Цімаці Хопера, сын залез у аўтамат, калі той «на секунду адвярнуўся». Ён дадаў, што, верагодна, Ітан, які вельмі любіць цацкі, на працягу 10-15 хвілін у аўтамаце перажыў «найлепшы момант свайго жыцця».
Па словах прадстаўніка паліцыі, гэта першы падобны інцыдэнт у 21 гандлёвым цэнтры штата.
Аўтамат забралі, цяпер ідуць перамовы з пастаўшчыкамі гульнявых аўтаматаў аб мерах, якія дапамаглі б пазбегнуць такіх сітуацый.
Цяпер чытаюць
«Людзі ідуць у мячэці, а не лечаць псіхічныя хваробы». Беларускі псіхіятр расказаў аб працы ва Узбекістане і ў Польшчы10
Каментары