Мінчанка: «Жыроўка прыйшла на 240 рублёў, хоць я працую. Аказалася, гэта з-за кватаранта»
«Дармаедскую «камуналку» будуць абмяркоўваць яшчэ доўга. Нават тыя, хто атрымаў цалкам стандартную зімовую плацежку (а іх большасць). Як ні круці, да жыровак з сумамі 200 і больш рублёў беларусы не прывыклі. Пры гэтым, як высветлілася, да «магутнай тройкі» (не занятыя ў эканоміцы, той, хто надоўга з'ехаў зва мяжу і тыя, хто «трымае» метры без прапісаных) далучаецца яшчэ адна катэгорыя. Вось якая гісторыяй падзялілася з Onliner мінчанка Марына, ва ўласнасці ў якой знаходзіцца двухпакаёвая кватэра.
— У снежні мінулага года я ўпершыню вырашыла здаць сваю двухпакаёўку. Першапачаткова ў якасці кватарантаў разглядала толькі грамадзян Беларусі. А потым мне патэлефанавала дзяўчына з Туркменістана. У размове яна была настолькі прыемнай, што я вырашыла рызыкнуць і пасупрацоўнічаць з замежнікамі, — распавядае мінчанка.
Кватарантаў аказалася трое. Тая самая дзяўчына з мужам і іх сваяк.
— Як і належыць, мы заключылі дагавор у разлікова-даведачным цэнтры, пазначыўшы двух наймальнікаў. А яшчэ аформілі часовую рэгістрацыю ў кватэры для ўсіх трох, паколькі гэта патрабаванне закона (пастаянная рэгістрацыя ў мяне і сына). У выбары жыльцоў я не памылілася: людзі вельмі культурныя, акуратныя. Мы спакойна жылі да гэтага лістапада, а дакладней да моманту, калі прыйшла «жыроўка».
Замест звычайных сум «прыляцела» 240 рублёў. З «дармаедскімі» тарыфамі.
Спачатку падумала, што гэта з-за мяне. Я толькі-толькі выйшла з водпуску па доглядзе за дзіцем, таму выказала здагадку, што мяне маглі памылкова залічыць да «дармаедаў». Патэлефанавала ў РСЦ, а там агаломшылі — справа ў кватаранце. Адзін з трох маіх жыльцоў не працуе. Адпаведна, «камуналку» палічылі па поўным тарыфе.
Але ж уласніца я, пастаянная рэгістрацыя таксама ў мяне. Я працую, у эканоміцы занятая. І другі кватарант працуе (яны з жонкай на адным дагаворы). Няўжо цяпер так будзе ўвесь час? Чаму нельга палічыць прапарцыйна — на кожнага кватаранта, з якім заключаны дагавор? — задаецца пытаннем дзяўчына.
Нестандартны на першы погляд выпадак мы апісалі ў афіцыйным запыце, дакумент адправілі ў Міністэрства ЖКГ. Адказу пакуль не паступіла. Але ў дзяржаўных СМІ тэмы ўжо закраналіся. Вось што піша выданне mlyn.by: «Нават калі ўласнік працуе, але здае кватэру дармаеду (пытаецца, на якія грошы той жыве), ЖКГ зноў разлічваецца па поўнай, незалежна ад таго, хто ўласнік. Гэта называецца прывязка ЖКГ да плацельшчыка. Зразумела, што гаворка зноў пра «шэрыя» даходы, але яшчэ гэта зроблена для таго, каб пазбегнуць фіктыўных здзелак. Напрыклад, раней два таварышы, якія сядзелі ў Варшаве, маглі фіктыўна здаць адзін аднаму кватэры і не плаціць падаткі. Цяпер такія варыянты будуць вельмі праблемныя».
З аналагічнай сітуацыяй давялося сутыкнуцца і іншым мінчанам: «З 1 кастрычніка разлік за ацяпленне і падагрэў вады прывязваецца да плацельшчыка камунальных паслуг. Плацельшчыкамі з'яўляюцца і ўласнік, і наймальнік. Гэта значыць, калі нават уласнік зарэгістраваны ў кватэры і не з'яўляецца дармаедам, але здае кватэру/пакой па дагаворы чалавеку, які з'яўляецца дармаедам, — аплата 100% за ацяпленне і падагрэў вады. Сёння сварылася па гэтым пытанні ў РСЦ. Я здаю пакой у трохпакаёўцы па дагаворы, палічылі 100 адсоткаў, таму што кватарант дармаед», — напісала адна з карыстальніц сацсеткі Threads.
Каментары
Откуда оно взялось,кто-то может внятно пояснить?
Никогда и нигде его не слышал от слова «вообще».