Сяргей Кавалёў прэзентаваў у Мінску зборнік п’ес «Сёстры Псіхеі».
У яго ўвайшлі прыпавесць «Сёстры Псіхеі», негістарычная п’еса «Пан Твардоўскі», п’еса «Інтымны дзённік» і фантасмагорыя «Вяртанне Галадара». Усе творы былі пастаўлены на сцэнах беларускіх тэатраў, а некаторыя і за мяжой.
«Сёння беларуская тэатральная публіка цвёрда перакананая, што нацыянальная драматургія — гэта выключна жанр гістарычнай драмы, а дакладней яго прафанацыя — бясконцы любоўны серыял у гістарычных касцюмах і з патрыятычнымі лозунгамі», — адзначыў аўтар у прадмове да зборніка.
Кавалёў даў сабе слова больш не пісаць гістарыяныя драмы.
І хаця героі яго новых твораў часта — персанажы з мінуўшчыны, але аўтар звяртаецца да побытавых аспектаў з іх жыцця.
«Драматург, які піша ў Беларусі на беларускай мове, няўмольна апынаецца на тэрыторыі моўнага музея-запаведніка»,
— упэўнены Сяргей Кавалёў. Але працягвае пісаць па-беларуску, выдаваць зборнікі п’ес на роднай мове і па-наску ставяць яго п’есы тэатры.
Сяргей Кавалёў — доктар філалогіі, драматург. Нарадзіўся ў 1963 годзе ў Магілёве. Скончыў філфак БДУ. Цяпер жыве ў Любліне, дзе выкладае беларускую літаратуру ва ўніверсітэце імя М. Складоўскай-Кюры. Аўтар шэрагу крытычных зборнікаў і навуковых манаграфій. Напісаў звыш 20 п’ес («Стомлены д’ябал», «Тарас на Парнасе», «Чатыры гісторыі Саламеі», «Францішка, або Навука кахання»). П’есы ставіліся ў Беларусі, Украіне, Расіі, Польшчы, Славакіі.
Сёстры Псіхеі / Сяргей Кавалёў; П’есы. — Мінск: І. П. Логвінаў, 2011. — 220 с.
-
Твор Святланы Алексіевіч стаў крыніцай натхнення для амерыканскага фэнтэзі-бэстсэлера
-
«Беларусы нагадваюць чалавека з трывожным разладам». Паэт Віталь Рыжкоў пра званне сэкс-сімвала паэзіі, батл з Найдзёнавым, Каржа і Ціханоўскую
-
Вольга Касцюк нарадзілася ў Радчыцку Столінскага раёна, а жыве ў Новай Зеландыі. Яе кніга напісаная на гаворцы, на якой яшчэ ніхто не пісаў
Каментары