У найбліжэйшыя дні тэмпература чакаецца на 4—6 градусаў ніжэй за кліматычную норму.
паведаміла галоўны сіноптык Рэспубліканскага гідраметэаралагічнага цэнтра Вольга Фядотава 4 мая на відэабрыфінгу ў Мінску.
Паводле яго слоў, у найбліжэйшыя дні тэмпература чакаецца на 4–6 градусаў ніжэй за кліматычную норму.
Месцамі будуць праходзіць кароткачасовыя дажджы, а тэмпература паветра ў начныя гадзіны будзе паніжацца да 1–8 градусаў цяпла. Гэтай ноччу ў асобных раёнах Брэсцкай, Гродзенскай, па паўночным захадзе Мінскай і на захадзе Віцебскай вобласці чакаюцца замаразкі да 1–3 градусаў. Захоўваецца верагоднасць мокрага снегу ў заходніх рэгіёнах краіны. У дзённыя гадзіны чакаецца 9–14 градусаў цяпла, на паўднёвым усходзе Гомельскай і Магілёўскай абласцей да плюс 16.
Як паведаміла Фядотава, такі характар надвор’я захаваецца і ў наступныя дні тыдня. У пятніцу, суботу і нядзелю Беларусь апынецца на перыферыі скандынаўскага антыцыклону. Пры паўночным умераным ветры ў начныя гадзіны будзе ад 1 да 7 градусаў вышэй за нуль. На глебе і месцамі ў паветры прагназуюцца замаразкі да мінус 1–3 градусаў. У ноч на пятніцу яны чакаюцца па заходняй палове краіны, а ў ноч на суботу — месцамі па тэрыторыі Беларусі. Нізкая тэмпература, да мінус 1–3 градусаў, яшчэ захаваецца ў ноч на нядзелю. У дзённыя гадзіны ў пятніцу і суботу будзе ад 8 да 15 градусаў цяпла, у нядзелю — ад 10 да 17.
Паводле слоў сіноптыка, 9 мая месцамі прагназуюцца кароткачасовыя дажджы, на тэрыторыю Беларусі пачне паступаць цёплае паветра з Заходняй Еўропы. Начная тэмпература — ад 2 да 9 градусаў, дзённая — ад 13 градусаў па поўначы да 20 градусаў па поўдні краіны.
У сталіцы ў найбліжэйшыя дні таксама чакаецца даволі халоднае надвор’е. Начная тэмпература 5 мая складзе 4–6 градусаў цяпла, дзённая — не вышэй за 10–12 градусаў. Чакаецца кароткачасовы дождж, у начныя гадзіны ёсць верагоднасць мокрага снегу.
У ноч на пятніцу, суботу і нядзелю ў Мінску будзе 1–3 градусы цяпла, у наваколлях горада на глебе і месцамі ў паветры чакаюцца замаразкі да мінус 1–3 градусаў. Дзённая тэмпература ў пятніцу і суботу чакаецца ў межах 9–11 градусаў цяпла, у нядзелю — ад 13 да 15 градусаў цяпла.
Паводле папярэдніх разлікаў, 9 мая верагоднасць дажджу складзе прыкладна 60%. У начныя гадзіны ад 6 да 8 градусаў цяпла, днём — ад 16 да 18.
Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе6
Каментары