Улада3939

Лукашэнка: Дзяржапарат cкароцяць на 25%, ствараецца дзяржкамісія па рэфармаванні на чале з Кабяковым і Пяткевіч

Ствараецца дзяржкамісія па рэфармаванні органаў дзяржаўнай улады. Пра гэта 1 кастрычніка заявіў Лукашэнка, прымаючы з дакладам міністра ўнутраных спраў Ігара Шуневіча.

«Прайшло, мабыць, ужо дастаткова часу для таго, каб вы не проста ўвайшлі ў курс справы, а разабраліся з той сітуацыяй, якая складваецца ў МУС і падпарадкаваных структурах. На вашы плечы легла цяжкая задача па рэфармаванні МУС, — сказаў Лукашэнка.

— Я ўжо ўдакладняў гэтую задачу публічна ў агульных рысах: нам не патрэбна ніякая ломка МУС, а таксама пераносаў, фармальных мерапрыемстваў быць не павінна.
Мы павінны спакойна правесці гэта рэфармаванне, зрабіўшы некалькі крокаў. Калі мы гатовыя зрабіць першы крок у нейкім напрамку, значыць, мы павінны зрабіць, не руйнуючы структуру, не парушаючы прынцыпаў працы міліцыі».

Лукашэнка падкрэсліў, што ў працэсе рэфармавання не павінна быць дэстабілізавана сама праца МУС. Больш за тое, яна павінна быць палепшана. «Яна павінна быць больш эфектыўнай», — адзначыў ён.

«Ну, а самае галоўнае — мы ні ў якім выпадку не павінны пакрыўдзіць людзей у пагонах.
Гэта не які-небудзь папулісцкі лозунг — так сапраўды павінна быць. Бо яны ж нікуды не падзенуцца, застануцца ў нашым грамадстве. А гэта найбольш ўплывовыя людзі, да іх грамадства прыслухоўваецца, — сказаў Лукашэнка.
— Таму крыўдзіць людзей ні ў якім разе нельга. „Крыўдзіць“ можна тых, хто не хоча працаваць, хто здраджвае інтарэсам службы. Вось з такімі трэба без шкадавання расставацца. Але калі нехта памыліўся, трапіў у міліцыю не па закліку сэрца, няхай ён ідзе на іншую працу».

«Мы павінны пакінуць здаровы, моцны не проста касцяк, а кулак у МУС, які годна будзе несці сваю службу і галоўным не будзе ставіць нават і грашовае забеспячэнне. Гэта, вядома, важна, але ён павінен перш за ўсё казаць пра службу.

Я ўжо казаў, што вельмі дрэнна ўспрымаю вайскоўцаў, якія перш чым казаць пра службу, свой абавязак, пачынаюць крычаць аб заробку і кватэрах.

Зразумела, што гэтыя пытанні мы павінны вырашаць, і мы іх будзем вырашаць. Але, рэфармуючы МУС, падпарадкаваныя структуры, міліцыю наогул, мы павінны вельмі акуратна да гэтага падыходзіць. Лепш не спяшацца.

Але галоўнае — не пакрыўдзіць людзей», — адзначыў Лукашэнка.

Лукашэнка таксама паведаміў, што рэфармаванне ў бліжэйшы час закране не толькі органаў міліцыі, але і іншых дзяржаўных органаў:

«Я сёння даручыў стварыць дзяржаўную камісію. Яе ўзначаліць кіраўнік Адміністрацыі Прэзідэнта [Кабякоў]. Памочнік кіраўніка дзяржавы Наталля Пяткевіч будзе ў яго намеснікам. Яны збяруць дзяржаўную камісію па рэфармаванні органаў дзяржаўнай улады».

«Мяркую, што нам прыйдзецца прыстойна падкараціць у дзяржаўных структурах, думаю, адсоткаў дзесьці на 25–30.

Унізе менш, уверсе пабольш, прыбраўшы непатрэбныя функцыі і значна потым павялічыўшы грашовае забеспячэнне і заработную плату дзяржслужачых. І адсюль — міліцыі, ваенных і гэтак далей, — заявіў Аляксандр Лукашэнка. — Я разумею, што мы адразу з гэтай задачай не справімся, але яе таксама трэба пачынаць.

Я гэта кажу таму, што вы павінны арыентавацца не на скарачэнне нейкіх структур з мэтай павелічэння іншых структур МУС, а на скарачэнне ў нейкай ступені ў патрэбных памерах таксама і нашых органаў міліцыі».

«Але мы павінны адразу падумаць аб павелічэнні ўлады міліцыі. Ні ўчастковы, ні міністр, ні іншыя, ніхто не павінен бегаць па дзесяць разоў па адным і тым жа месцы і ўгаворваць кагосьці.

Міліцыянт павінен прыйсці і на падставе выразна заканадаўча прапісаных нормаў запатрабаваць выканання абавязкаў той ці іншай асобай і больш там не з’яўляцца, — падкрэсліў Лукашэнка. — Тады і колькасць не патрэбна такая».

«Гэта значыць, ўзмоцніцца і адпаведная ўлада службовых асоб у міліцыі, і не толькі ў міліцыі. Тады мы значна можам скарачаць дзяржаўны апарат, міліцыю, іншыя падраздзяленні і значна павялічваць грашовае забеспячэнне і заробак.

У адваротным выпадку народ не прыме павелічэнне заработнай платы, дапусцім, напалову. Народ не ўспрыме, калі ён будзе маленькую зарплату атрымліваць, а мы разрослы бюракратычны апарат будзем фінансаваць нашмат вышэй, чым сярэдняя зарплата па краіне
. Усё павінна быць сумленна, аб’ектыўна і справядліва. Гэта будучыня», — адзначыў Аляксандр Лукашэнка.

«Таму, можа быць, у нас і не атрымаецца, як мы раней планавалі, мець, дапусцім, участковага і яго памочніка.
Можа быць, узмацніць значна ўладу ўчастковага, каб яму не прыйшлося звяртацца да іншых рычагоў і іншым людзям для рэалізацыі сваіх паўнамоцтваў. Я асабіста гатовы на гэта пайсці. І, думаю, людзі нас зразумеюць. Галоўнае, каб быў мір, спакой у грамадстве і гарантавана бяспека людзей», — дадаў Лукашэнка.

Ігар Шуневіч паведаміў Лукашэнку аб папярэдніх выніках работы па рэфармаванні сістэмы органаў унутраных спраў і планах на будучыню. Гэты працэс развіваецца па трох асноўных напрамках: ідэалагічнае і кадравае забеспячэнне органаў унутраных спраў, рэфармаванне міліцыі грамадскай бяспекі і рэфармаванне крымінальнай міліцыі. Аляксандр Лукашэнка па выніках сустрэчы даў шэраг даручэнняў адносна далейшай працы ў гэтым ключы, акрэсліўшы асноўныя рубяжы і этапы ўдасканалення органаў унутраных спраў. Таксама вырашана, што ў бліжэйшы час на гэтую тэму адбудзецца асобная нарада.

Каментары39

Цяпер чытаюць

«Губазікаўцы схіляюць Калеснікаву да высылкі, але яна не хоча»1

«Губазікаўцы схіляюць Калеснікаву да высылкі, але яна не хоча»

Усе навіны →
Усе навіны

У Падмаскоўі загінуў кіраўнік кампаніі-пастаўшчыка кампазітных матэрыялаў для МС-21 і паранены будаўнік касмічнага цэнтра, адкрытага Пуціным3

Кібератака паралізавала працу аэрапортаў па ўсёй Еўропе2

У Траецкім прадмесці Мінска прадаецца кватэра плошчай 118 квадратаў1

Як склалася ў эміграцыі жыццё 22‑гадовай «тэрарысткі» Дануты Перадні, якую вызвалілі па памілаванні6

Саудаўская Аравія ў рамках абароннага саюза з Пакістанам можа атрымаць доступ да ядзернай зброі

Моніка Белучы і Цім Бёртан разарвалі адносіны1

Каскадзёры скакалі з самага высокага будынка Мінска2

Чмякаюць, сёрбаюць і ліжуць пальцы: хто з беларусаў падняўся на мукбангу10

Трамп хоча спыніць вайну ва Украіне з дапамогай Кітая4

больш чытаных навін
больш лайканых навін

«Губазікаўцы схіляюць Калеснікаву да высылкі, але яна не хоча»1

«Губазікаўцы схіляюць Калеснікаву да высылкі, але яна не хоча»

Галоўнае
Усе навіны →

Заўвага:

 

 

 

 

Закрыць Паведаміць