Аляксандр Лукашэнка патрабуе караць рублём і развітвацца з гультаямі і п’яніцамі на вытворчасці.Аб гэтым ён заявіў сёння на сустрэчы са студэнтамі і выкладчыкамі факультэта міжнародных эканамічных адносін Беларускага дзяржаўнага эканамічнага ўніверсітэта.
Аляксандр Лукашэнка адзначыў, што ў Беларусі прывыклі думаць, што ў краіне высокакваліфікаваныя спецыялісты і добрасумленныя работнікі. Але давайце паглядзім, што ў нас на самай справе:
прадукцыйнасць працы на нашых прадпрыемствах прыкметна ніжэйшая, чым у перадавых замежных кампаніях, а матэрыялаёмістасць і энергаёмістасць у сваю чаргу вышэйшыя»,— адзначыў ён.
Аляксандр Лукашэнка падкрэсліў, што дзяржава зрабіла ўсё для таго, каб кожны працаздольны грамадзянін меў работу і належную зарплату. Паводле яго слоў, людзям працы прадастаўлены беспрэцэдэнтныя сацыяльныя гарантыі.
«Відавочна, гэта і параджае ў некаторай часткі насельніцтва ўтрыманскія настроі», — канстатаваў Лукашэнка.«Маўляў, можна працаваць спусціўшы рукавы, сядзець, як Ямеля на печцы, пераклаўшы ўсе клопаты на дзяржаву. Што рабіць кіраўніку з адкрытымі гультаямі і п’яніцамі?
Я адказваю проста: караць рублём, а калі не дапаможа — з такімі людзьмі трэба развітвацца, як гэта прынята, напрыклад, у Кітаі, дзе камуністычныя ідэі цудоўна спалучаюцца з жорсткім капіталістычным падыходам да арганізацыі вытворчасці», — сказаў Аляксандр Лукашэнка.
«Жорстка, скажаце вы. Так, жорстка, але справядліва. Інакш нам не вытрымаць глабальнай канкурэнцыі, а нашы беларускія інавацыі так і застануцца дэкларацыямі», — падкрэсліў Лукашэнка. Ён таксама дадаў: «І тут не я — эканоміка дыктуе, тэхналогіі. На Захадзе яшчэ больш жорстка».
Цяпер чытаюць
Дар’я Шманай двойчы трапляла ў аварыі ў Маскве на чужым «Мерсэдэсе»18
Каментары