На БТ адбылася прэм’ера дакумэнтальнага фільму «Супрацьстаяньне».
Не падумайце толькі, што гэта прадукт Азаронкаў, — ён прысьвечаны паваеннаму антысавецкаму супраціву.
Першы ў гісторыі фільм пра паваенны беларускі супраціў зьняло дзяржаўнае ТБ. Без «ура-патрыятызму», як робяць прыбалты, але і без старых савецкіх штампаў, як дагэтуль было ў нас. Факты — сур’ёзная рэч. Тысячы людзей змагаліся за незалежную беларускую дзяржаву супраць савецкага панаваньня, таму для Масквы яны былі «нацыяналістамі», «бандытамі». А кім яны мусяць быць для Рэспублікі Беларусі?
Фільм «Супрацьстаяньне» — як пробны шар. Яго місія не зусім ясная. Зьдзівіць беларускага гледача сэнсацыйнымі фактамі пра антысавецкую барацьбу аж да сярэдзіны 1950-х? Аб’ектыўна разабрацца ў складаным пасьянсе палітычных гульняў другой сусьветнай, па розныя бакі франтоў якой апынуліся беларусы? У любым разе, столькі дакумэнтаў і фотаматэрыялаў пра антысавецкі ўзброены супраціў не абнародавалася за ўсю паваенную гісторыю.
Поўнасьцю гэты артыкул можна прачытаць у папяровай і pdf-вэрсіі "Нашай Нівы"
Сяргей Ёрш
Пра што фільм «Супрацьстаяньне»
З 1944 у Беларусі шырыцца антысавецкі супраціў. Адначасова нямецкая разьведка закідае ў БССР з Усходняй Прусіі дзясяткі дывэрсантаў-беларусаў, зь якімі змагаецца «Сьмерш». Але апошняга дэсантніка — Аўгена Жыхара — ліквідавалі толькі ў студзені 1955 г. Да таго часу савецкія спэцслужбы «зачысьцілі» і дэсанты, якія ў пачатку 50-х закідаліся ЦРУ і таксама складаліся зь беларусаў. У фільме цытуюцца дакумэнты з крымінальных справаў, дэманструюцца фотаматэрыялы (здымкі атаманаў Раманчука і Дэмуха, маёраў Гелды і Родзькі). У другой частцы, прысьвечанай дзейнасьці польскае партызанкі на тэрыторыі Гарадзеншчыны, нічога новага аўтары не адкрылі.
Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе6
Каментары