Пастаянны прадстаўнік Украіны пры ААН Юрый Сяргееў, выступаючы на пасяджэнні Рады бяспекі ААН, даў зразумець, што Расія датычная да замаху на мэра Харкава Генадзя Кернеса.
Пра гэта гаворыцца ў паведамленні прэс-службы ААН.
Сяргееў падкрэсліў, што многія члены незаконных узброеных груп на ўсходзе Украіны з'яўляюцца грамадзянамі Расійскай Федэрацыі і нават не спрабуюць схаваць гэтага, публічна паказваючы свае пасведчанні.
Па словах пастаяннага прадстаўніка, «украінскія праваахоўныя органы маюць дакладныя доказы датычнасці названых асоб да здзяйснення цяжкіх злачынстваў».
«У сувязі з гэтым Сяргееў распавёў у дэталях аб жорсткіх забойствах на ўсходзе Украіны, у тым ліку забойства Уладзіміра Рыбака. Пасол звярнуў увагу да нападу на мэра Харкава», — адзначаецца ў паведамленні.
Цяпер чытаюць
Стрыжак: Я проста гаўно, я ляжу на дне самай бруднай канавы і адтуль спрабую нешта сказаць у сваю абарону65
Каментары