Пераможцы будуць вызначаныя ў чэрвені.
Цягам трох месяцаў вясны ў Вікіпедыі праходзіць конкурс артыкулаў пра краіны цэнтральнай і ўсходняй Еўропы «Вікі Вясна».
У конкурсе ўдзельнічаюць два беларускія раздзелы Вікіпедыі (класічным і афіцыйным правапісамі). Раздзел класічным правапісам на сёння прымае больш актыўны ўдзел.
Арганізацыя Фаланстэр, адзін з праектаў якой накіраваны на развіццё беларускай Вікіпедыі («Вікіфікацыя»), забяспечвае прыз самаму актыўнаму ўдзельніку.
Ідэя конкурсу — пашырыць інфармацыю пра краіны рэгіёну, прыцягнуць увагу да асаблівасцяў гэтых краін, павялічыць камунікацыі паміж актыўнымі вікіпедыйнымі рэдактарамі.
Актывісты арганізацыі гатовыя дапамагаць хуткай вікі-дапамогай усім ахвочым прыняць удзел, судзейнічаць па пытаннях працы з Вікіпедыяй і вікі-разметкай.
Правілы ўдзелу ў конкурсе:
- Афіцыйныя даты правядзення конкурсу: 21 сакавіка — 31 траўня.
- Для ўдзелу трэба дадаць сябе ў табліцу ўдзельнікаў конкурсу (у Вікіпедыі класічным або афіцыйным правапісам).
- Кожнай краіне рэгіёна прызначаецца тыдзень, на працягу якога рэдактары ўсіх моўных раздзелаў Вікіпедыі мусяць пісаць пра яе.
- Тэмы артыкулаў можна абіраць любыя, датычна той ці іншай краіны, але кожны моўны раздзел прапаноўвае самыя актуальныя пра сваю краіну.
- На працягу чэрвеня будуць падводзіцца вынікі, вызначацца пераможцы, лакальна ў кожным моўным раздзеле.
- Міжнародныя каардынатары конкурсу вырашаюць даты і месца правядзення Вікі Лагера для самых актыўных удзельнікаў у канцы ліпеня.
Па пытаннях звяртайцеся на [email protected]
Цяпер чытаюць
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі5
Каментары