У часе расійскай атакі ў Кіеве загінула 12‑гадовая дзяўчынка. Колькасць ахвяр дасягнула чатырох чалавек
У выніку масіраванай атакі на Кіеў, якая адбылася ноччу 28 верасня, загінулі чатыры чалавекі. Сярод ахвяр — 12‑гадовая дзяўчынка, цела якой было знойдзена пад заваламі разбуранага пяціпавярховага жылога дома ў Саламянскім раёне.
Паводле слоў кіраўніка гарадской ваеннай адміністрацыі Цімафея Ткачэнкі, колькасць ахвяр у сталіцы Украіны вырасла да чатырох.
Паводле яго звестак, сярод загінулых у Саломенскім раёне — 12‑гадовая дзяўчынка.
Раней мэр Кіева Віталь Клічко пацвердзіў гібель трох чалавек.
Адзін з удараў прыйшоўся на Інстытут кардыялогіі ў Саламянскім раёне. Паводле паведамлення Дзяржаўнай службы па надзвычайных сітуацыях, агонь ахапіў другі і трэці паверхі будынка.
«Патушылі пажар у будынку дзяржаўнай медустановы. Ратавальнікі знайшлі там целы дваіх загінулых. Выратавалі пяць чалавек», — напісаў Клічко.
У Запарожжы таксама адбылася атака: колькасць пацярпелых там узрасла да 21 чалавека, з якіх двое — у цяжкім стане.
Расійскі бок інфармацыю аб ударах па Кіеве і Запарожжы не каментаваў.
Цяпер чытаюць
Міліцыя схавала галоўнае — магілёўскі маньяк-ліфцёр ужо сядзеў за згвалтаванне. Але яго не праверылі на датычнасць да забойстваў2
Каментары