Мікалая Дзеніна, губернатара суседняй з Беларуссю Бранскай вобласці Расіі, узялі пад хатні арышт. Такое рашэнне прыняў Савецкі раённы суд Бранска 21 мая. Чыноўніка падазраюць у карупцыі.
Дзеніну выстаўленае абвінавачванне па ч.2 арт.285 КК РФ («Злоўжыванне службовымі паўнамоцтвамі асобай, якая займае дзяржаўную пасаду суб'екта Расійскай Федэрацыі»).
Па версіі следства, у снежні 2011 і студзені 2012 года губернатар падпісаў распараджэнні аб выдзяленні з рэзервовага фонду вобласці больш за 21,8 млн рублёў (каля 700 тысяч даляраў) для патрэб падкантрольнай ягонай сям'і камерцыйнай арганізацыі — ААТ «Снежка». Бюджэтныя сродкі былі выдзеленыя ў адсутнасць законных падстаў і выдаткаваны грамадствам на бягучую фінансава-гаспадарчую дзейнасць на падставе ліквідацыі наступстваў выбуху ў адным з вытворчых памяшканняў, які адбыўся з прычыны парушэння патрабаванняў тэхнікі бяспекі. Падставай для крымінальнай справы паслужылі матэрыялы Федэральнай службы бяспекі Расіі.
Цяпер чытаюць
Стрыжак: Я проста гаўно, я ляжу на дне самай бруднай канавы і адтуль спрабую нешта сказаць у сваю абарону68
Каментары