Нацыянальны банк сумесна з дзяржорганамі прадаўжае работу па ўстараненні практыкі фарміравання тарыфаў і намініравання плацяжоў у замежнай валюце, паведамілі ў Нацыянальным банку па выніках пашыранага пасяджэння праўлення.
«Паступова будуць рабіцца захады па адмове ад прывязкі да даляра ЗША або еўра пры вызначэнні цэн, ставак па арэнднай плаце, мытных пошлін і іншых плацяжоў», — адзначылі ў Нацбанку.
Як было адзначана ў ходзе пасяджэння, ажыццёўлены Нацбанкам у 2015 годзе пераход да рэалізацыі грашова-крэдытнай палітыкі ў рэжыме манетарнага таргетавання садзейнічаў дасягненню асноўнай мэты — зніжэнню інфляцыі да ўстаноўленага на год мэтавага параметра не больш як 12 працэнтаў. Пры гэтым базавая інфляцыя знізілася з 14,6 працэнта ў 2014 годзе да 11,3 працэнта ў 2015 годзе.
«Пераход з пачатку 2015 года да больш гібкай курсавой палітыкі, сфакусіраванай на павышэнні ролі рыначных механізмаў у курсаўтварэнні, даў магчымасць забяспечыць своечасовую рэакцыю абменнага курса на змяненне знешніх умоў, перш за ўсё — дынамікі расійскага рубля, і садзейнічаў падтрыманню цэнавай канкурэнтаздольнасці беларускага экспарту», — канстатавалі прадстаўнікі рэгулятара.
Улічваючы значнасць уплыву валютнага канала на эканамічныя ўмовы ў краіне, у 2015 годзе быў рэалізаваны шэраг мер па дэдаларызацыі эканомікі, у выніку чаго, у прыватнасці, удалося істотна знізіць ступень уплыву дынамікі абменнага курса на інфляцыйныя працэсы.
Па выніках 2015 года прырост прамежкавага арыенціра манетарнай палітыкі — сярэдняй шырокай грашовай масы - склаў амаль 41 працэнт. Асноўнай прычынай росту гэтага паказчыка стала пераацэнка валютнага складніка ў выніку аслаблення курса беларускага рубля. Па фіксаваным курсе сярэдняя шырокая грашовая маса павялічылася на 0,5 працэнта, што ніжэй за прагноз.
Цяпер чытаюць
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі5
Каментары