Супрацоўнікі ДАІ затрымалі ў Мінску нецвярозага мужчыну за рулём уседарожніка, у салоне аўтамабіля знаходзіліся яго жонка і двое малалетніх дзяцей, паведаміў начальнік аддзела па агітацыі і прапагандзе УДАІ ГУУС Мінгарвыканкама Сяргей Заранік.
ДАІ праводзіць рэйды ў рамках акцыі «Забяспеч бяспеку дзіцяці ў машыне на 100%». Супрацоўнікі сталічнай Дзяржаўтаінспекцыі правяраюць выкананне правілаў перавозкі дзяцей, у тым ліку выкарыстанне ў машынах дзіцячых утрымлівальных прылад.
Першы ж кіроўца, правераны падчас акцыі ля гандлёвага цэнтра «Замак» па пр. Пераможцаў, аказаўся парушальнікам. У салоне аўтамабіля знаходзіліся двое малалетніх дзяцей - разам з маці яны знаходзіліся на задніх сядзеннях, пры гэтым утрымлівальных прылад не было. Пазней высветлілася, што дзіцячае аўтакрэсла ў парушэнне правілаў знаходзілася ў багажніку. Вынікі медыцынскага агляду паказалі, што ў крыві кіроўцы 1970 года нараджэння 0,41 праміле алкаголю. Свае бесклапотныя паводзіны мужчына растлумачыць не змог, толькі пацвердзіў, што сапраўды выпіваў ўчора ўвечары. Кіроўца прыцягнуты да адміністрацыйнай адказнасці.
Цяпер чытаюць
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат9
Каментары